Во март британскиот министер за надворешни работи во интервју за Дојче веле потврди категорично, неодречиво и „со златни букви Тито“ дека отровот што е искористен против Скрипал доаѓа од Русија и дека тоа му го потврдиле од лабораторијата што испитувала. Не му го потврдиле.

За сега Кина работи чисто во рамки на дипломатија и сите притисоци што може преку политика и својата тежина да ги изврши врз Тајван и светот. Притоа ни најмалку не помага тоа што САД решија дека сега е време да исправаат трговски неправди со „фабриката на светот“.

Како што расте гневот кон големите технолошки компании и секој што ги злоупотребувал личните податоци, така Вол стрит на волеј реагира на секој неочекуван сигнал. Овој пат тоа беше твит од Трамп.

Знаете онакви видеа каде некој, како во старине слепстик комедии, се лизнува на кора од банана и се праи парче, а вие не можете а да не се насмеете? Нешто што е толку длабоко вградено во нас - склоноста да се ситиме на туѓата мака - изгледа нема ни географски, ни историски ограничувања. Подобро за бизнис, здравје. 

Ништо од она што се случува со Фејсбук не оди во корист на вредноста на акциите на компанијата (без разлика дали закажано или не, продажбата на акции од Фејсбук од страна на Марк Зукерберг ни најмалку не помогна), она што може да ја влоши целата работа е ако големите компании престанат да купуваат реклами на социјалната мрежа, а почнаа да се откажуваат.

После 4 месечни истражувања и тајни снимања, британскиот Канал 4 вади документарец во кој се откриваат сите изборни измами на осрамотените Кембриџ аналитика: мито, бивши шпиони, лажни лични карти, сексуални работнички...   

Хуавеи успева да набие разлика од 60% поголема продажба пред второпласираната ЈД.ком и покрај тоа што таа речиси е банирана од американскиот пазар, а 4-те најголеми мобилни оператори во земјата - АТ&Т, Веризон, Т-Мобиле и Спринт, не смеат да ја користат нејзината опрема.

На Фејсбук во секој момент активно роварат илјадници апликации од надворешни компании чија единствена задача е да соберат што е можно повеќе лични податоци од корисниците на социјалната мрежа, за истите, најчесто, повторно да бидат искористени на Фејсбук. Гревот на Кембриџ аналитика е што овие податоци ги искористи во корист на брегзит и Трамп.

Фејсбук нè искористува. Активно ги раздава нашите информации. Создава ехо комора во име на поврзувања. Го вади на површина она што нè разделува и ја уништува вистинската причина зошто воопшто почнавме да користиме социјални мрежи - човечки врски. Фејсбук е канцер.

Во САД денес не можеш да навредиш никаква групација освен Русите, кои како во најдобрите времиња на Студената војна, повторно се омилениот непријател на државата. Во земјата владее таква атмосфера во која дури и високи разузнавачки функционери не можат да се сетат што тоа Русите некогаш направиле добро за овој свет.  

Откако Гардијан објави репортажа за тоа како Кембриџ аналитика ги искористил легално достапните податоци од Фејсбук во корист на кампањата за брегзит а потоа и за Доналд Трамп, реакцијата на Фејсбук беше да ја суспендира Кембриџ аналитика.

Како што е редот, Трамп во еден твит го потврди отпуштањето на досегашниот министер за надворешни работи на САД, Рекс Тилерсон, и го објави неговиот наследник, Мајк Помпео, досегашниот прв човек на американското разузнавање.

Марк Зукерберг е мал човек - 170 сантиметри, според Гугл, ама тоа не е општо познато, бидејќи единствените фотографии од него што се јавно достапни се внимателно направени за тој да изгледа повисок, според поранешниот автор на Вајард, Грем Стар. Откако ќе ги прочиташ забелешките на Стар на оваа тема, станува невозможно да ги гледаш фотографиите на основачот на Фејсбук без да ја забележиш вештината употребена во секоја фотографија за да се скрие тајната за неговата висина.

Сторми Даниелс е порно ѕвезда која може, а може и не, имала секс со Трамп пред повеќе од 10 години, отприлика во времето кога на американскиот претседател му се раѓа петтото дете (од третата сопруга). Од јануари годинава Даниелс станува една од најголемите потенцијални опасности за Трамп.

Наспроти нашата пуста верба дека „на лагата ѝ се кратки нозете“, Џонатан Свифт на времето напиша „Лагата лета а Вистината доаѓа после неа и се тетерави“. За жал, она што пред три века била само хипербола, денеска е прецизен опис на функционирањето на социјалните мрежи.

„Станав режисер само за да бидам сигурен дека некој режисер нема да ми го зезне сценариото,“ вели човекот кој во филмовите сака да си игра со времето и кој би се убил од досада да треба да прави конфекциски филм. Признава дека со текот на времето, сè поважна му станува добрината на човека, а сè помалку дали е некој паметен, талентиран или успешен. За уплавот на Холивуд (oд различното), за смртта на Дебар Маало (од Мирослав Грчев), за тоа како би изгледал Ајрон Мен кога тој би го режирал, за тоа како е можно во време во кое е толку лесно да се провери вистината, толку да се лаже на ангро. И за разнимити други работи, Милчо Манчевски, изволте.

„ЦИА секогаш успеваше да најде ентузијастички партнери меѓу локалните елити кои се спремни да се усогласат со нејзините барања за да добијат помош во нивната борба со домашните политички опоненти“, пишува американски професор во статија за тоа како САД, кои сега се мета на руско мешање во нивните внатрешни прашања какви што се изборите, повеќе од 70 години го прави токму тоа низ целиот свет. 

На почетокот на 90-тите, сликите од балканските воени ужаси беа доволни западната јавност да се заинтересира/ангажира за проблемот и да поддржи воена интервенција, а доаѓањето на Кристијан Аманпур во некоја земја беше сигурен знак кој ќе биде домаќин на следната крвава теревенка. Веројатно заради презаситеноста од информациите, таа јавност денес е огуглана на таквите слики и едноставно е индиферентна во однос на војните и страдањата.

За време на Националниот ден на Катар, 18-ти декември, заливската држава на прославата извади 6 Мираж ловци, 6 товарни авиони и ескадрила авиони за обука. Сето ова заедно претставува половина вкупната авијација на Катар, за сега. Во јуни 2017 Катарците потпишаа договори вредни 20 милијарди долари за купување 96 нови воени авиони.

Книгата се вика „Дали на ангелите им треба потстрижување?“, а стиховите во неа се однесуваат на прашања поврзани со нацијата, сексот и вискито. Напишана е во 1970, откако Рид го напушти „Велвет андерграунд“.

Деновиве истрагата околу Трамп откри дека неговиот некогашен шеф на кампања, Пол Манафорт, своевремено тајно успеал да собере и наговори (плати) мала група на поранешни европски лидери „да делуваат неформално и без никаква поврзаност со владата на Украина“ во корист на интересите на владата на Виктор Јанукович во Европа и во САД.

Едниот е син на поранешeн канадски премиер, а моментално и самиот премиер на Канада. Вториот е син на поранешен американски богаташ, а и самиот стана богаташ, кој моментално е претседател на САД. Разликата меѓу стариот и новиот модел е во тоа што на новиот барем засега му е битно да изгледа дека знаењето е важно и не е сè во парите, стариот одамна се има откажано од тоа.

Голите диктатури - во форма на фашизам, комунизам или воени хунти - исчезнуваат од глобалната сцена. Пучевите и другите насилни средства за доаѓање на власт се реткост. Повеќето земји одржуваат регуларни избори, луѓето слободно гласаат. А демократиите сепак умираат, сега на поинаков начин.

„Американска утопија“ се случил непланирано. Брајан Ино му пратил неколку снимки со тапани, Брн почнал да експериментира, и одеднаш добил десет нови песни. Реалист, но не и циник или песимист, тој и овој пат го истражува моментот во кој живееме, велејќи во една од песните: „Ние сме туристи во овој живот/Само туристи, ама глетката е фина“.