Вести › Набрзинка

„Операција Пустец“ - Мичиген

20 октомври 2024

Властите и надлежните институции во Мичиген се најдоа под жестоки критики откако објавија дека имаат околу 8,4 милиони гласачи кои ќе можат да го дадат својот глас на претстојните избори за претседател.
Проблем е што тоа е за речиси 500.000 гласачи повеќе отколку што државата има регистрирано граѓани со право на глас.
Државата не гледа проблем и вели дека критиките се дел од оркестриран обид да се поткопа довербата во изборниот процес.
Трамп и Републиканците долго тврдат дека се прави изборен инжинеринг, главно со брзо давање државјанства во клучните држави кои го решаваат победникот на изборите. Една од таквите држави е Мичиген.

Види и: Маск го подигна влогот за изборот меѓу Трамп и Камала

извор

Зохран Мамдани, прв муслимански градоначалник на Њујорк

5 ноември 2025

Кандидатот на демократите Зохран Мамдани првиот муслимански градоначалник на Њујорк. На изборите, кои на некој начин беа референдум за првите десет месеци од власта на Трамп, Мамдани освои 50,4% од гласовите пред независниот Ендру Куомо (41,6%) и републиканецот Куртис Слива (7,1%).
„Демократскиот социјалист“, како што се претставува прогресивецот, до пред некој месец беше непознат за пошироката јавност. Во кампањата ветуваше дека ќе ги оданочи милионерите за да ги прошири социјалните програми. Ветуваше бесплатен автобуски превоз, универзална грижа за деца и намалување на кириите.
Претседателот Доналд Трамп ги повика њујорчани да гласаат за поранешниот демократ Куомо и се закани дека ќе ги укине федералните средства за Њујорк ако победи „комунистот“ Мамдани.
„Во овој момент на политички мрак, Њујорк ќе зрачи светлина“, изјави Мамдани. На претседателот Трамп му порача дека „градот во кој доживеал подем може да го порази“.

Кандидатите на демократите победија и на изборите за гувернери на Вирџинија и Њу Џерси. Калифорнија изгласа прекројување на избирачките единици за конгресмени, во полза на демократите.

извор

Пожар во пензионерски дом во Тузла, загинаа 10 луѓе

5 ноември 2025

Десет луѓе загинаа и најмалку 20 се повредени во пожар во пензионерски дом во Тузла. Сите загинати се пензионери, а меѓу повредените има пожарникари, медицински лица, полицајци и вработени во домот.

Пожарот избувнал синоќа во 20.55 часот на седмиот кат на зградата, каде што биле сместени лица со попреченост.
Противпожарите екипи брзо интервенирале и за еден час го изгаснале огнот, но не можеле навремено да им помогнат на пензионерите, меѓу кои имало и болни и неподвижни лица. Причината не е уврдена.