Фудбалерите на Ливерпул сосема заслужено се на кровот на Европа, во прилично скромно финале ако претходните неколку се земат превид. Црвените добија пенал уште во 25 секунда.

Во 57-та минута Барселона водеше 26:25, Мораеш израмни, а по две минути Карачиќ без размислување ја распали и се повреди за прво водство на Вардар. Каталонците не реализираа и потоа Криштопанс зголеми на +2. Барселона имаше задоцнета реакција со гол, на кој одговори „Ил капитано“. Ова ќе останат како епски сцени.

Со 215см висина и 135 килограми тежина, Летонецот Даинис Криштопанс е силата и моќта на Вардар кој руши сè пред себе и ги забива топките со 130 километри на час. Ако некој вечерва ја направи разликата тоа дефинитивно е тој и скроз заслужено е прогласен за играч на мечот.

Ако некој во изминативе години знае до максимум да не наполни со адреналин и да ни го качи притисокот тоа е дефинитивно Вардар. Губеа 7 разлика на полувреме од моќната Барселона, но во второ полувреме направија тотално лудачки пресврт и ја повторија историската 2017-та.

Ова е едно од тие финалиња на кои не треба да ги читаат составите, бидејќи со еден швенг на камерата сите 22 ќе ги испукаме како од пушка. Олимпико во таа 2009-та ги нагости Манчестер и Барселона со Роналдо и Меси на светски начин. Ова е прекрасно за гледање, а и за слушање. Пее Андреа Бочели.

Келн, 3 јуни 2017. Вардар во прва историска полуфинална пресметка на Ф4. Противник Барселона, исто како денеска. Натпреварот тврд и претежок. При резултат 25:25, последниот напад го имаа момците на Раул. Тоа беа 16 секунди за треперење кои ги одиграа машки и присебно, без паника, со едноставно вкрстување во кое Лука Циндриќ распали и го однесе Вардар во финале.

УЕФА му даде забавна задача на најзабавниот тренер да ги распознае своите фудбалери преку фотографии од порано кога биле деца. Што и да му даде човек да прави камера, тој е забавен и оригинален.

Келн и Мадрид викендов ќе бидат главните две дестинации за љубителите на ракометот и фудбалот. 300 и кусур евра не се воопшто малце пари за блок картите кои ги нудеше Вардар, ама па оди на Ливерпул – Тотенхем да те видам. Германска плата не те крпи.

Јадни млади репрезентативци на Хондурас, само што ќе ја изведеле од центар, примале гол. Најголемиот бисер на норвешкиот фудбал, центарфорот кој од Молде потпиша со австриски РБ Салцбург броел до 9.

Спротивно на сите предвидувања и очекувања, Торонто го совлада Голден Стејт 118:109 и „фрли шкорче во бензинот“ на финалето на НБА. Икс-фактор на мечот беше Паскал Сиакам кој сам ги доби Вориорси.

Веќе во целост се вклопил во англиското традиционално секојдневие. Оди во пабови на фиш енд чипс, пие пиво, игра квизови, се забавува со куглање со пензионери, го шета кучето по плажа на Ирското море. Едноставно живее мирен и убав живот.

Третото последоватолно учество на Фајнлфорот веројатно е најслатко. Може ли Вардар да ја повтори историјата и повторно да го шокира ракометниот свет? Знаете како велат - ранетиот лав сè уште сака да талка. Тоа го вели ЕХФ во својата најава, е ние би го повториле насловот во кој силно веруваме.

За човекот кој 13 години беше играч на Јувентус, а потоа го изнесе овој клуб одново на прав пат и му донесе многу титули, навивачите на „Старата дама“ би требало да имаат почит. Или не?

Кој знае кои мераци им се прават на младите репрезентативци на Аргентина што имаат можност да тренираат со најдобриот. Како тргнала работава, Меси изгледа ќе треба да си оди дома за овие да фатат да тренираат, инаку ова нема крај, стварно ќе настинат во место.

Работата е завршена и официјализирана. Спалети аут, Конте ин. И покрај тоа што две години по ред ги носи во Лига на шампиони, очигледно Интер не е задоволен од работата на нивниот досегаш стратег, па се реши за уште позвучно и појако име. Неговото доаѓање го најавија со специјално изработено видео во кое се појавуваат само Конте и газда Стивен Жанг.

Сава Осигурување, Гранит, Македонски Телеком и Рамстор славеа победи во првите нокаут мечеви од Бизнис лигата на Македонија.

Ако Арсенал синоќа ја освоеше Лигата на Европа, Премиер лигата ќе имаше дури пет претставници во ЛШ, бидејќи таму ќе играат Манчестер Сити, Ливерпул, Тотенхем и Челси, вака сосема друг ќе се радува или поточно други.

Маргарет Тачер, челичната лејди беше најзаслужна што Британија ги скроти хулиганите кои како кучиња од ланец беа пуштени по Европа каде рушеа сè пред себе. Сега веќе нема такви насилни бараби, ама има кретени кои после пар пива мочаат по европските плоштади и фрлаат стари луѓе во фонтани.

Фиорентина и Џенова во последното коло од Серија А одиграа калкулантско реми од 0:0, се со цел и двете екипи да се спасат. Ама за тоа да се случи, Интер мораше да го совлада Емполи и да го испрати во Серија Б.

Шпанскиот репрезентативец Педро досега во кариерата со Барселона, Челси и Шпанија има освоено 25 трофеи меѓу кои и највредните во фудбалот, со што стана единствен во историјата.

Тензијата меѓу Гонзало Игуаин и Давид Луис кои се срчнаа на 24 часа пред финалето на ЛЕ е минато. Фудбалерите на Челси ги надминаа недоразбирањата после лактот кој Аргентинецот го попи од Бразилецот, па дури и кажаа дека се сакаат.

Притисокот кој Сари го издржа во текот на сезоната е стварно за раскажување. Секој ден излегуваа наслови со негова смена, со шут-карта, а со неговиот авторитет голманот Кепа проба да брише под. На крај Италијанецот покажа дека е многу голем стратег.

Разбираме и умор и долг пат и напорно гостување, ама да заспиеш на сред историско финале меѓу два гиганти од ист град?