Седум месеци беа дрва на гости и не можеа да победат, па потоа им писнаа на три екипи три по ред, по една во ЛЕ, Премиер Лига и Карабао Куп. Ѕвезда на вечерта на Стемфорд Бриџ синоќа беше Маркус Рашфорд кој го елиминираше Челси со 1:2. Имаме еврогол за гледање во стилот на Жунињо и еден лапсус.

Фудбалерите на Лацио со 4-0 го потопија Торино и ја продолжија добрата серија без пораз. Во првите 25 минути „бјанкочелестите“ кружеа околу противничкиот гол, па на Ачерби како да му збогтиса и реши да распали со левицата од 35-36 метри.

Македонскиот репрезентативец Енис Барди постигна гол во стилот на Меси во 24' минута од мечот против Реал Сосиедад кој неговиот Леванте го доби со 1:2.

Реваншот од 1/8 финале на Купот на Македонија меѓу Шкендија и Вардар (првиот меч во Скопје заврши 2:2) беше тензичен. Во 88’ минута при една топка во гол-аут, детето задолжено за топки го провоцираше голманот на Скопјани Филип Гачевски кој не издржа и тргна кон него, по што настана хаос. На крајот Шкендија победи со 1:0 и се пласираше во 1/4 финале, а Вардар дури и по 12 години остана без можност да се бори за пехарот во Купот.

Даниел Малдини има 18 години. Роден во 2001-ва година, игра за младинците (Primavera) на Милан чии легенди се неговиот дедо Чезаре и татко му Паоло. Даниел е фудбалер од среден ред, минатото лето беше на американската турнеја со првиот тим, но од стартот на сезоната е назад со младинците.

Абе вие од Офсајд се заебавате со насловов? Не бе какво заебавање. Баба лаже, трап не лаже, а Иван парче прави.

На мечот Архус - Копенхаген (1:2) во данската Суперлига, домашните навивачи кренаа тн. „шеталица“, банер на кој беше претставен дневен престој со гарнитура и телевизор. На овој начин сакале да ги викнат сите „тастатура“ навивачи на стадион.

Интер синоќа ја совлада Бреша 1:2, ама не било сè така розево за Нероаѕурите, затоа што ова што го утна Марио е потешко да се промаши. Погледнете ја шансата од аголот што го снима камерата зад гол. Хандановиќ практично му ја намести со рака, а овој на кров ја дувна. Срамотилаци.

Масимилијано Мангравити е тотален анонимус за кој има буквално едвај два реда инфо на Википедија. За дечково 2019-та ќе биде неверојатна за раскажување. Година во која по некогаш немал кај да спие, а синоќа дебитираше рамо до рамо до еден Лукаку.

Диего Марадона е тренер на Химнасија Ла Плата, тим кој синоќа му гостуваше на Њуелз во аргентинската Супер лига. Диего на времето одиграл само 5 меча за Њуелз, ама го пречекаа како Тутанкамон уште кога влезе во градот.

Рајан Черки има 16 години и во моментов важи за најголем талент на новата генерација фудбалери во Франција. Игра за Лион, од скоро е приклучен во првиот тим, ама таму мора да пројде тестови кај најдобриот играч на екипата, Мемфис Депај.

Ветераните од репрезентациите на Израел и Бразил, меѓу кои беа Роналдињо, Карлос, Кака и многу други светски познати ѕвезди, одиграа пријателски натпревар во чест на празникот Шалом на стадионот „Сами Офер“ во Хаифа.

Таџикистан против Камерун на Светско првенство У-17. Уф како не влезе ова. Ама пак да пробате, супер ви е идејата.

Во рамки на меѓунеделното коло од Серија А, Интер со головите на Лаутаро Мартинез во 23’ и Ромелу Лукаку во 63’ ја совлада Бреша на гости, а тренерот Конте се радуваше како блесав.

Се работи за симболот на Клуб Бриж, Раул Ламберт кој целиот свој живот го има посветено на овој клуб. Од 1956-та до 1962-ра во академијата и од 1962-ра до 1980-та во првиот тим. 18 сезони, 270 голови, 5 првенствени титули, 3 купови.

Барселона сезонава нема перфектен старт бидејќи има 7 победи по 10 изминати кола, ама затоа кога ќе им тргне како вчера, да му е мерак да човек да ја гледа со овие лепота од акции и голови.

Фудбалерите на Брентфорд беа доста расположени за мајмунлаци, а тоа најдобро го осети на своја кожа КПР.

Сведоци тврделе дека е вистина, а други кажуваат дека е мит. Како и да е, ова што ќе го видите на видеово, не го направил ни Марадона, ни Меси, ни Роналдо, ни никој друг.

За тие што не му дале шанса, нека издвојат една минута од полуфиналето меѓу Јапонија и Индија на Франција Опен. Познавачите велат дека ова не е поен на денот, туку на годината. 

На својот Инстаграм профил на кој го следат 38 милиони луѓе од цел свет, Златан најави нешто интересно. Веројатно ќе следува наскоро во јануарскиот преоден рок.

МОЛ Фехервар каде играат репрезентативците Николов и Муслиу, викендов дома загубија 1:2 од Ференцварош. А и како да победат противник со ваков голман. Се вика Денеш Дибус, седма сезона е член на Ференцварош и слободно може да го викаат пајак. Ги исфрустрира Бобан и другарите со чудесниве интервенции.

За време на квалификациите за Светскиот Куп во футсал, Грузија со 2-3 ја победи Полска. Еден од головите кој за Грузија го даде натурализираниот Бразилец Родриго Андреи не може да се опише и треба да се погледне. Според прославата на голот изгледа дека немал ваква намера.

Во ситуација кога Барселона и Реал Мадрид потрошија по 200 до 300 милиони евра на трансфери, кога ќе се погледне првопласираната екипа на табелата во Шпанија, ретко кој не прашува да не е некоја грешка.

Политехника Јаши синоќа дома го пречека лидерот во романската лига и учесник во Лига Европа, Клуж. Итрите домаќини решиле да им дадат дресови од Селтик на сите деца задолжени за фаќање на топките крај теренот, со цел да ги нервираат играчите на Клуж кои неодамна изгубија од шкотскиот шампион во групна фаза од Лига Европа (иако чудесно го елиминираа Селтик во квалификациите за ЛШ летово, па пак се најдоа во ЛЕ).