Знаете ли дека во Шпанија има клуб во кој составот и формацијата ги бираат навивачите?

Некои од скорешните играчи на овој клуб познат меѓу кладилничарите, велат дека вака претседателот на клубот сака да привлече повеќе спонзори и партнери со кои ќе ја популаризира Лорка. Интересна идеја, навивачите штиклираат, бираат тим и формација.

Професијата фудбалски тренер некогаш не е баш најнеопходна. Барем така мислат во шпанскиот клуб Лорка, кој настапува во Терсера - четврта по ранг лига во Шпанија.

Љубителите на шпанскиот фудбал го паметат Валтер Пандијани, уругвајскиот шпиц кој се прослави во Депортиво Ла Коруња, Осасуна и Еспањол а имаше и неколку настапи за репрезентацијата на својата земја.

Епа Пандиани се обидува да почне тренерска кариера. Минатото лето седнал на клупата на Лорка, но не издржал повеќе од 6 месеци.

Во декември Валтер Пандиани го отпуштиле поради слаби резултати (минатата сезона овој клуб беше трет во својата лига, а сега е седми). Но управата решила да не брза многу со назначување наследник на познатиот Уругваец.

Наместо тоа, тие ја шокирале јавноста кога пуштиле соопштение во кое објавиле дека составот на мечот, формацијата па дури и измените ќе може да ги бираат навивачите.

Соопштението било објавено на профилите на социјалните мрежи со наслов Manager Real Football. Оваа апликација веќе е достапна и на Google Store.

Навивачите може да бираат една од четирите формации (4-3-3, 4-4-2, 5-4-1, 3-4-3) и да го одберат составот со тоа што ќе ги штиклираат понудените играчи за прв тим. Во прилог има и профилна картичка од секој играч на Лорка со висина, тежина и статистика.

„Ова е прв чекор кон демократизација на фудбалот“, изјавил претседателот на Лорка, Роберто Торес.

Минатата година тој едвај успеал да го спаси клубот од банкрот: Лорка имала голем долг од 700.000 евра во Кралската фудбалска федерација на Шпанија и била пред амбисот.

Минатото лето се мачеле да најдат играчи кои ќе бидат спремни бесплатно да играат за клубот. Идејата била неуспешна но затоа сега со оваа револуционерна иеја може да успеат. Првиот меч во кој составот го бирале навивачите, Лорка го добила дури со 5:2!

„Претседателот Торес одамна зборуваше за оваа идеја навивачите да го бираат составот за секој нареден меч. Уште на почетокот на оваа сезона тој зборуваше за тоа на собирот на екипата. Така сакал да го привлече вниманието кон клубот. Работата е во тоа што претходно газда на клубот бил Кинез кој му го предал на Торес со огроммни долгови поради кои Лорка е исфрлена во понизок ранг. Можно е дека Торес ова го планира со цел да привлече спонзори или партнери во клубот. Не е исклучено и Пандиани да е отпуштен поради тоа што не се согласувал со тоа составот и решенијата да не ги носи тој“, вели Дар Колорев доскорешен голман во Лорка.

16 јануари 2020 - 13:05

Штета ако сте пропуштиле

Кампањата на ЦИА со лажни вести

Македонското прашање и младите социјадемократи

Каде одат девојките со точак?

Министер, амбасадор, планктон