Ептен се распукаа со голчишта деновиве стрелците од нисколигашките лиги. Вчера се дивевме на евроголот на Николче Кимов од Локомотива Градско, а денеска на левицата на извесен Луетиќ од Загора, кој мислиш одел на часови кај Михајловиќ и Жунињо.

Не стивнуваат реакциите од партијата која Никола Митревски ја пружи на португалското Ел Класико меѓу Порто и Спортинг. Го добија со 6 разлика благодарение на врвната форма на 35 годишниот битолчанец кој одновно блесна со 14 интервенции.

На Британец можеш да му земеш сè, само правото да се напие пиво и да гледа фудбал не. Од тоа беа лишени од март месец од кога речиси сите европски стадиони се затворени за публика поради коронавирусот. После долги и напорни месеци, допуштен е ограничен влез на стадионите.

Ретко виден гол паднал на мечот во бугарската „А“ Областна Група - Стара Загора меѓу еипите на Тунџа и Мини Марица Исток. Димитар Димитров со страшен шут од 25-26 метри ги поставил конечните 3-1 за Тунџа. Голот го снимила надзорна камера за безбедност на стадионот „ПРО“ во Павел бања.

Пол Џонсон работел во Арсенал цели 30 години. Дошол во клубот уште пред Арсен Венгер и имал позиција на гардеробер/администратор на екипата.

За првпат во историјата на Норвешка, шампион стана Буде Глимт, најсеверниот првак на светот, основан во далечната 1916-та а кој пред 2 години беше второлигаш.

Горан Пандев не може глава да крене од честитки, интервјуа и насловни страници, а и зошто би било поинаку кога ова што го направи е круна на неговата кариера која е за почит и каква што немал друг македонски фудбалер во историјата.

Знаеме дека на Англичаните им нема рамни кога се во прашање организации со кои им прават големи изненадувања на многу деца. Дури и кога не смеат да ги прекршат протоколите на стадион, тие знаат да смислат брилијантен начин како да “внесат“ дете на терен.

Мислевме дека ова е момент од аматерски натпревар, што се разбира и таму не е за оправдување, ама тоа да ти било мечот Престон - Шефилд од Чемпионшип лигата, која е доста ценета и каде се бијат епски битки за пласман во Премиер.

Евертон славеше со 2-3 на гостувањето кај Фулам и после 3 порази по ред им се врати на победите. Најдобриот играч на „карамелите“, Бразилецот Ришарлисон после мечот му го подари дресот на еден мајстор кој работи на реконструкција на трибините на „Кревин Котиџ“.

Виртус Болоња убедливо со 20 разлика славеше во градското дерби со Фортитудо Болоња (71-91), а потегот на вечерта (слободно може да се каже на месецот) го имаше Милош Теодосиќ.

Арон Канет (21) само чудо го спаси да не настрада на лице место за време на квалификациската етапа од серијата Мото2 во португалскиот Портимане. Канет изгуби контрола над својот мотор и падна на патеката каде летаа колегите со страшни брзини.

Исушена трева, дрвја, куќи и ограда на која висат луѓе, а позади гол пченки. Типичен амбиент за третолигашки меч на кој се среќаваат Локомотива Градско и Црнилиште. И кога наеднаш еден габаритен шпиц ја полни левицата за која ќе зборува цело село.

Голманот на македонската репрезентација Никола Митревски брани во животна форма сезонава и сигурно е меѓу Топ5 голмани во Европа. На последните дуели во Лига на шампиони и португалското првенство правеше чуда. Никола на дербито Порто - Спортинг „спушти ролетна“ и на крајот победи 33-27.

Левиот бек на македонската фудбалска репрезентација е тема на разговор меѓу следбениците на Премиер лига. Синоќа на мечот Лидс - Арсенал, Џани беше во главна улога на теренот а за него зборуваа и во студиото на Скај Спортс.

Како од сенка, без многу помпа, Португалецот Пауло Фонсека прави мали-чуда со скромниот состав на Рома. Имаат 10 натпревари по ред без пораз, трети се на табела пред шампионот Јувентус и играат супер убав фудбал. Предводник на клинците е Ерменецот Хенрик Михтарјан кој синоќа постигна 2 гола во победата над Парма од 3:0.

Фудбалерите на Милан како да не се зафркаваат кога спомнуваат борба за самиот врв до крајот од сезоната. Синоќа глатко го нокаутираа Наполи во Неапол 1-3 со 2 убави гола на Ибрахимовиќ и 1 на младиот норвешки бисер Јенс Хауге. Златан и нашиот Пандев што се постари, толку подобро играат.

Во најдобрата хрватска лига, Горица водеше со 1-2 кај Шибеник. Во 93' минута Кристијан Ловриќ ја потврди победата со гол на асистенција на ветрот.

Баер Леверкузен водеше на гости кај Арминија Билефелд од 27 минута, ама во 47-ма минута нивниот голман Лукаш Храдецки го даде најсмешниот автогол на сезоната во Бундеслига. За негова среќа Александар Драговиќ во 88' минута донесе победа за Баер.

Вкупно 4 гола паднаа во дуелот меѓу Заглебје Љубин и Стал Мјелец во Полска. Од тие 4, еден беше баш онака мераклиски. Го постигна Петери Форсел за гостите и ги постави конечните 2-2.

По вечната репрезентативна пауза, се врати клупскиот фудбал. Баерн Минхен се сопна со Вердер Бремен (1:1), а можеше и да изгуби да не беше човекот кој освои 23 пехари во кариерата и кој денес го одигра 400. јубилеен меч во кариерата. GOAT.

Арно Бодар, голманот на Стандард Лиеж му донесе голем бод на својот тим против Еупен во 90+7' минута. Џабе домашниот тренер играше со 3 шпица во еден момент, кога голманот му донесе бод по една гужва.

И непрецизниот пенал знае да биде многу прецизен. Она што е најважно во случајов е што нема жртви.

На 20 ноември 2011-та на дербито Ајакс - ПСВ уругвајскиот центарфор на сред терен пред сите присутни го загриза противничкиот фудбалер Бакал. После ова имаше уште многу слични епизоди а најмногу се памети онаа со Кјелини.