Прв пласман на еден голем турнир, а особено на Светско првенство секогаш е посебен настан. А за земјата каде четири години буктела жестока граѓанска војна, тоа е спасоносно чудо.

На генерално ниво од финалната етапа, за освоеното 2-10 место следуваа поени за подароци од СЛ маркетот, а за сите останати финалисти Sport Life обезбеди подарок вредносни ваучери за игра.

Велосипедистичките трки на отворено, освен преубави предели, нудат и неочекувани моменти. Како на пример оваа трка во Јужна Африка каде на патеката на трката кај Кејп Поинт им улетува ној и се трка со нив.

Холандија загуби дома 0:1 од Мексико на пријателските средби, а сите зборуваат промашувањето на Мемфис Депај кој инаку летово беше пред потпис во Барселона. Се посрамоти за сите пари во финишот.

Адама Траоре дебитираше за селекцијата на Шпанија и тоа на дерби меч против Португалија кој заврши 0:0. За тоа како е да се влезе, односно да ти влезе во дуел игра, ќе треба да раскаже фудбалерот на Барселона Франсиско Тринкао.

Му се смееа на Пипита што го промаши првиот удар од белата точка во МЛС, ама затоа синоќа покажа каков мајстор е и тоа од позиција од каде не сме го знаеле, а тоа е слободен удар. Аргентинецот го реши мечот и му донесе победа на Интер Мајами од 2:1 против Њујорк Ред Бул.

Човекот кон кој беше вперен прстот дека е најголем кривец за најтензичното лето во поновата историја на Барселона, во кое скоро готово беше да ја загубат иконата Меси, наскоро ќе биде сменет.

Иако за редовните посетители на Градски ова не е за утеха (глупа корона, ќе крцаше стадионот), сепак по три години пауза МТВ на својот прв и трет канал ќе пренесува натпревар на македонската фудбалска репрезентација и тоа еден од најважните во историјата, а тоа е полуфиналето од Лига на нации.

Најголем трансфер бум во Италија направи Федерико Киеза, златното дете на Фиорентина кое потпиша со Јувентус. Таму го чека чичко Џиџи, кој му доаѓал на гости како мал.

Легендарниот голман на Милан денеска полни 47 години, а сезонава го назначија за тренер на првиот тим откако претходно работеше во младинскиот тим на Росонерите. Се пензионираше во Интернасионал во 2015-та, а во чест на неговиот роденден потсетување како се џиткаше на тренинг во залезот на кариерата. Мачка.

Мартин Брајтвајт еден ден ќе може да им раскажува на своите внуци како на времето играл 9-ка во Барселона во напад со Лионел Меси. А пустиот, ни крив ни должен, случајно дојде на Камп Ноу.

Во ситуација кога не можат да дојдат на стадион, навивачите на Косово се решија поддршката на нивните репрезентативци да им ја дадат денеска пред да ја минат границата со Македонија. И тоа со сите нишани, со навивачки песни и бакљи, а и по некој погрден збор за противникот.

Чуда направи короништево скапано и целосно го измести и поремети и фудбалот кој многу поинаку беше планиран годинава. Ќе има смеење ако се повреди голманот на Украина или добие црвен.

Преодниот рок за речиси сите европски лиги заврши. И покрај најавите за штедење и оптимизација на трошоците предизвикани од глобалната пандемија, некои клубови решија да потрошат многу пари на трансфери за нови засилувања.

Со крадење топка, со петици, течно и атрактивно до крај, па уште и со јака завршница. Браво женски.

Кошаркарите на ЛА Лејкерс ја вратија комфорната предност во големото финале на НБА против Мајами, откако синоќа го совладаа Хит со 102:96 и сега имаат 3-1. Во драматична завршница, Ентони Дејвис им пресуди на ривалите со далечна тројка.

Откако реши да не го продолжува договорот со ПСЖ и не играше ниту во финале на Лига на шампиони со Парижаните, Кавани на 5. октомври во понеделникот потпиша 1-годишен договор со Манчестер Јунајтед со можност за уште 1 година плус. Го доби бројот 7 на дресот, а прашање е во каква форма е.

Легендарната маскота Ганерсаурус доби отказ од клубот поради кратење на трошоците поради глобалната пандемија. Синоќа стигна вест дека Месут Озил ќе дава од џеб за плата за маскотата.

Кој би рекол дека клуб по име Гленторан од Северна Ирска може да се прочуе во светот во изборот за гол на годината според ФИФА и да собере преку 5 милиони кликови? Може, затоа што во тим го имаа анонимусот Метју Буроуз кој го постигна најепскиот гол со петица.

Едно време тоа беше 31 август, но сега сè се помести па така и последниот ден од летниот трансфер период кој всушност заврши на есен. Звучни фудбалски имиња ги сменија дресовите во последен миг.

Ливерпул првпат од 1963 година прими дури 7 гола во англиското првенство и тоа од просечната Астон Вила. Дебакл каков што не се памети. После мечот Јирген Клоп потиштено призна дека екипата многу грешела и не барал оправданија. Ама има кој најде алиби.

Неверојатен е обемот на ирационалност во кариерата на Данкан Робинсон, полу-анонимниот кошаркар на финалистот Мајами Хит кого играчи, тренери и навивачи, буквално сите го молат да почне да ѝ помага на екипата со тоа што ќе стане посебичен и ќе зема повеќе шутеви за себе.

Ликов направил врвна импровизација и компилација на познати фудбалери со кои препеал песна која ја крстил Имобиле. Ни легна од прва и некако убедени сме дека е појак од оригиналот кој го немаме ни слушано. Прејако звучи и ептен со душа. Пет пати ја чувме од сабајле.

Сонот на навивачите на Манчестер Јунајтед конечно се исполни: клубот после многу перипетии конечно најде десно крило, позиција која со години беше дефицитарна на „Олд Трафорд“.