Сент Етјен игра мизерна сезона и нема ни една победа во 12 кола. Најтрофејниот француски клуб заслужено е на последно место. Викендов играа со директниот ривал за опстанок Мец. Примија гол уште во 9' минута, ама во 16-та Вахби Хазри со еден супершут од 68 метри (официјално измерени) го постигна најдалечниот гол во историјата на францускиот фудбал.

По шокантниот дебакл од Борусија Менхенгладбах во Купот на Германија минатата недела, Баерн викендов се врати на познати патеки. Со 2:5 го совлада Унион Берлин и остана лидер на табелата со 25 бода, 1 повеќе пред Дортмунд и 3 повеќе од Фрајбург. Левандовски даде 2, еден фантастичен од слободен удар, ама имаше и фини асистенции.

Јунајтед продолжи по системот топло-ладно со Солскјер на клупата, па откако Ливерпул им нанесе историски тежок пораз од 0:5 на „Олд Трафорд“, „црвените ѓаволи“ се вадеа на гости кај Тотенхем. Победија убедливо со 0:3 а триумфот го најави Роналдо со фантастичен гол по многу тежок шут и после со асистенција до Кавани.

Внимавајте сезонава на Верона која игра убав фудбал под водство на Игор Тудор и која гази против големите екипи. По четирите гола против Лацио, син му на Диего, Џовани Симеоне ги змрзна Бјанконерите со два комада во 11 и 14 минута за нова голема победа од 2:1, а нов шок за Алегри после поразот дома од Сасуоло.

Фудбалерите на овие две екипи одиграа 0:0, а според снимкиве личи дека нерешено било и на трибини, кои ги знае. Инаку домаќини се Хераклес.

И без Роналд Куман, Барселона нема со што да се пофали на првиот меч, освен со еден атрактивен гол. Одигра 1:1 против Алавес и им се повредија двајца важни играчи од кои едниот го однесоа во болница.

Се работи за играч на Фортуна Дизелдорф, а голманот кој се покаја што беше излезен понапред е од Хофенхајм. Пазете како му ја опали. Ѕверски.

21 годишниот Итан Ампаду е репрезентативец на Велс, член на Челси и позајмен во Венеција. Иако неговиот тим водеше на полувреме против Салернитана, на крај загуби 1:2, а тој беше жртва на чудна судиска одлука. На снимката се гледа како клиза директно на топка и ја собира за да не ја загуби и за тоа добива црвен. 

Ново место, за нови врвни шопинг искуства со најдобрата екипа! Може да се најдат сите можни категории, без разлика дали се работи за спортски или lifestyle производи, за деца, тинејџери или возрасни.

Твитерџија по име Квасец извади одлична спортска нишка во која ќе се пронајдат веројатно сите кои знаат што е маалски фудбал на игралиште, пред зграда или во балон. Фали оној што стално игра во напад, а сака сам да ја води топката. Му ја зима на својот голман, додека тие од негова што играат позади се нервираат.

Порто и Барселона го одиграа најдобриот меч на колото во Лига на шампиони. Домаќините иако беа тотален аутсајдер, на полувреме водеа со 17-14, а на крај Барса излезе задоволна со бод 33:33. Нашиот голман Никола Митревски денес во избор на ЕХФ и гледачите, ја има најдобрата одбрана на колото.

Во 2014-та на 34 години одиш на игралиште со капацитет од 1.050 гледачи за да го водиш Олџинатезе кој го нема ни во билтен. Седум години подоцна им се исправуваш на Јуве и Алегри и ги победуваш на нивен тренер. Е таков знае да биде фудбалот. Романса.

На крилата на Лука Дончиќ кој постигна 25 поени со 3 скока и 5 асистенции за 34 минути, Далас Маверикс го совлада Сан Антонио Спарс 104:99 во големото дерби на Тексас.  Големиот и повеќекратен НБА шампион Грег Поповиќ си помуабети со Лука после мечот и нешто го насмеа.

Кичевчанецот одбрал четири утакмици и ги уплатил два пати по 100че. Ај таа третата од Турција океј, ама како ли успеал да ги фати трите нули од Египет, Мароко и Словачка и тоа одиграни полувреме - крај на лудачки начин.

Потрошувачите ќе имаат можност да уживаат во проширена понуда и нови модели кои досега не беа достапни на нашиот пазар, во простор со мултимедијална комуникација на понудите и врвен дизајн на ентериерот и осветлувањето.

Во неизвесен меч Филаделфија ’76 го доби Детроит со 110-102. Лидерот на оваа екипа Џоел Ембид постигна 30 поени, имаше 18 скока и 3 асистенции. Во еден момент заби многу лесно преку 22-годишниот Лука Гарза, нешто прозборе агресивно па судиите го исклучија зошто наводно го понижувал противничкиот играч. Ембид се бранеше дека си зборел сам со себе.

Иако се поминати 35 години, сепак антологискиот гол на Марадона со таканаречената „божја рака“ оставил трага, па и кај деца кои не ни биле тогаш родени, туку само го виделе на Јутјуб. Наполи У-16 израмни против Рома У-16 на 2:2, а коментаторот од клупскиот канал на римјаните 100 пати повтори дека е со рака и дека ова не е одбојка за да му го признаат.

За три месеци овој човек полни 44 години и дочека на терен синови на фудбалери со кои играл на времето. Има една Фејсбук страна со вакво име: You can't retire, Gigi Buffon. Преку 1.100 настапи има.

Дискретен јунак на фантастичниот триумф на Борусија Менхенгладбах над Баерн Минхен е тренерот Адолф Хитер. Овој 51-годишен стратег го декласираше германскиот хегемон со 5:0, идеално ја спреми екипата за одличен пресинг и брз излез од одбрана во напад како и брз реализација.

Скромниот Рајо Ваљекано е најпријатно изненадување на сезоната. Екипата предводена од младиот 39-годишен тренер Андони Ираола игра сјајно и во моментов е на 5. место. Победија на 5 од 5 домашни натпревари и на Барселона и дозволија само еден шут во рамки на гол за цел натпревар.

Наполи продолжува да прав р’шум во Серија А. Синоќа на својот „Диего Армандо Марадона“ со 3-0 ја совладаа Болоња и се лидери на табелата со 28 бода колку што има и Милан. Првиот гол на мечот беше дело на Шпанецот Фабијан Руиз на асистенција на нашиот Елмас. Еврогол.

После сè што се изнагледавме во романскиот фудбал, веќе и не треба ништо да не чуди. Оваа ненамерна или намерна утка се случува на Куп натпревар меѓу второлигашите Глорија Бузау и Донареа кој заврши или морал да заврши 3:0.

Максимилијано Меса од Монтереј ги запали Твитерџиите со мајмунлак од лежечка позиција. Иако ова личеше само на голема пожртвуваност за да спаси аут, потоа му текна и нешто друго.