Доминацијата на женскиот клуб на Барселона е нереална. Го освоија првенството со максимален скор од 27 победи на 27 кола. Постигнаа 136 гола, а примија само 5. Плус Челси го совладаа 4:0 во финалето на ЛШ. Погледнете ги што работат со топката.

Стоперот Адил Рами во кариерата играше за Лил, Валенсија, Милан и Марсеј. Има 35 години и во 2018-та стана светски шампион. Сезонава игра за Боавишта во Португалија каде на 2 кола пред крајот обезбедија опстанок (во последно коло со гол во 88' минута од мечот), па Рами плачеше од среќа што избегнале испаѓање.

Ракометарите на Веспрем го совладаа Нант во реванш четвртфиналето од ЛШ со 32:30, но победата е пирова, бидејќи францускиот состав славеше +4 на првата пресметка. Во превод тоа значи дека кралот Кире Лазаров на 41 година го завери седмиот фајнл фор во кариерата.

Толку од симпатичната приказна во Серија А наречена Беневенто на која дополнителен шмек и даваа балканските навивачи на Фејсбук. Газдата е ифрит лут и за последно коло не им плаќа авион.

Откако фотографии со дебелиот фудбалер, богат сопственик на клуб во Кина станаа вирални, решивме да изрудариме нешто за него.

Управниот одбор на ФФМ донесе одлука по колку пари да и дава на македонската фудбалска репрезентација на Европското првенство, во зависност од резултатите нели. На пример за победа ќе делат 300.000 евра.

Скокање, сликање со трофејот и урлање шампиони, шампиони е веќе видено и стандардно на секоја ваква церемонија, а исто и пукање конфети, па Преснел Кимпембе и Тимоте Пембеле смислија нешто ново.

На само три недели до стартот на Европското, радува формата во која се наоѓа моторот во играта на македонската репрезентација. Со Рики синоќа одиграа лудачко финале со вкупно 9 погодоци и ја освоија двојната круна во Хрватска. Капитенот растура.

Поради новиот концепт плеј-ин кој за многумина е глупост, а за други е генијален изум, синоќа за влез во плејоф играа ЛА Лејкерс и Голден Стејт. Во директен дуел на Стеф Кари и Леброн Џејмс, поуспешен беше постариот. Лејкерси славеа 103-100 и тоа со тројка на Леброн во последните секунди од преку 10 метри.

Ситно броиме до мигот вреден историја за македонскиот фудбал и спорт воопшто, а првиот ден на кој ќе ни се потат рацете пред ТВ е 13 јуни. Мрме ги прозва пулените од кои се очекува гордо и достојно да ја претстават Македонија во европскиот крем од 24 земји учеснички.

ПСЖ го одбрани трофејот во Купот на Франција откако во финале беше подобар од Монако со 2:0. Стрелци беа Икарди и Мбапе. Навистина штета што не влезе велемајсторијава на вториов.

Барселона ја слави двојната круна. Титула во првенство и трофеј во ЛШ каде го совладаа Челси со 4:0. Синоќа ја заокружија сезоната со висок триумф од 8:0 против Атлетик Билбао, а потегот на мечот и сезоната го има Џенифер Хермозо. Во машки фудбал немало вакво орање.

10 Скудета, 5 Купови на Италија, 6 Супер Купови на Италија. Сето ова со Јувентус. Погледнете колку се радуваше Буфон на 43 години. Уште е полн со емоции за играње фудбал.

Јувентус со 2-1 ја совлада Аталанта во финалето на Купот на Италија а легендарниот Џиџи Буфон го освои најверојатно последниот трофеј во својата енормно богата кариера, исполнета со рекорди.

Во групната фаза на Копа Либертадорес, Ривер Плејт го совлада колумбиски Санта Фе со 2:1 и покрај тоа што на голот од старт до крај им седеше фудбалер од среден ред.

Состојбата со пандемијата во европскиот фудбал полека се стабилизурва. Скоро и да нема позитивни играчи, има по некој изолиран случај. Затоа во Европа постепено ги намалуваат ограничувањата и навивачите плански ги враќаат на трибините.

Во фудбалското подземје на Балканов има толку комични ситуации што на човек просто не му останува ништо друго освен да се посмее. Трета фудбалска лига на Хрватска, дуел меѓу НК Трње и Јарун. Еден играч се жали на повреда и влетува докторот. Ветеран доктор.

Сè прави добро, освен што не постигнува голови, гласи еден од коментарите кој можеби најдобро го отсликуваат човекот кој освен во Премиер лига, дебело го изеде срамот и во дуелот еден на еден со наш Столе.

Се калеше во Бреша, поигра малку во Интер, а во Милан и во Јувентус ги броеше трофеите, вкупно 17. Ретко се раѓа играч со таква визија и капацитет, кадарен за многу фини нешта со топката. Италијаните го викаат „Il Mozzart del pallone“ (Моцарт со топката). Овие две минути се доволни за да се потсетиме каква играчина беше Пирло.

Снимкава е стара нешто повеќе од 10 години од мечот Тотенхем - Дерби, кога имаше публика нели. Мајсторот е Адел Тарабт, а жртва Крег Фаган. Погледнете ја реакцијата на играчот со број 30. Безценето.

Во коментар на Фејсбук, читател ни остави згодна фото-монтажа на онаа слика на која господинот Ноубади (нагалено: претседател на ФФМ) е размафтан со лажните крила наречени раце, во синхронизиран слет на славеничката екипа на ФК Шкендија, настан кој беше овековечен со историски спортски момент кога пехарот, во своите раце го дигна фудбалската величина Али Ахмети.

Додека ние од еуфорични 10.000 карти за натпреварите на Македонија на Европско првенство паднавме на претпоставки за 6.000 па на крај стигнавме до мизерни 2.000, УЕФА за финале на ЛШ дава преку 12.000 влезници.

Секој сака да игра во Лига на шампиони, особено кога се наоѓаш во таа зона, а губиш и ти гори во последно коло. Лестер синоќа загуби од Челси, а со тоа го загуби и третото место, па играчите ги загубија и нервите.

Манчестер Јунајтед одигра само 1-1 со испаднатиот Фулам. Во 15' минута конечно пред публика на „Олд Трафорд“, Единсон Кавани покажа зошто му понудија нов богат договор со клубот.