Првиот човек на НБА лигата Адам Силвер откако ја презеде улогата започна да воведува некои новости во НБА системот кому му се закануваше пад на интерес. Силвер и соработниците заедно со клубовите донесоа неколку нови решенија за Ол-Стар натпреварите (додуше сите беа помалку бесмислени и не кренаа интерес).

Овој пат со друг стајлинг и со засилување во студио, за уште поголема забава.

Слован Братислава ја завршува сезоната во ЛШ со најмногу примени голови, вкупно 27 и 7 дадени. Коефициентот дека ќе загубат од Баерн беше 1.01. Примија 3 комада, ама барем во последната минута Хрватот Марко Толиќ си го направи ќеифот со убав погодок.

Ливерпул одамна обезбеди пласман во следната фаза на Лига на шампиони односно беше прв тим кој го осигура билетот за таму. Од таа причина гостувањето во Холандија кај ПСВ во последното коло им беше екскурзија. Арне Слот извади тим со млади деца засилен со Енди Робертсон, Коди Гакпо, Цимикас и Кјеза. Ама и младите деца на ПСВ имаа што да покажат па на крај славеа 3:2.

Динамо Загреб направи големо изненадување во последното коло од ЛШ откако го доби седумкратниот европски првак Милан со 2:1. Но поради послаба гол разлика, не оди понатаму. Одиме со дуелот Пјаца - Томори. На ортопед го прати и тоа веднаш со приоритетен упат.

Лидерот на Западната конференција во НБА, Оклахома Тандер изгуби од Голден Стејт 116:109 и тоа е нивен само деветти пораз од почеток на сезоната. Лидерот на Оклахома Шеј Гилџес-Александер постигна дури 52 од 109 поени на неговиот тим. Имаше и четири асистенции а шутираше 14/23 од игра, 2/6 за три и 18/21 слободни фрлања.

Некогашниот германски репрезентативец и голема ѕвезда на ПСЖ, Јулијан Дракслер синоќа му донел победа на својот тим Ал Ахли во Катар на гости кај Ал Кор со прекрасен гол со ножички во 87' минута. Збудалеа и коментатор и публика и соиграчи.

Репрезентација која има голман со ретко видени 21 одбрана е нереално да не победи. Но на Германците ни тоа не им беше доволно против разиграната и полетна Португалија, најголемата сензација на ова Светско, која славеше во продолженијата.

По Хрватска и Франција, четвртфинале со драматичен крај донесе селекцијата на Португалија, која со златни букви ќе го запише овој Мундијал во својата историја, откако за прв пат влезе во битка за медал. Го елиминираше поранешниот светски и европски првак Германија со 31:30 по продолженијата. Ја реши Мартим Кошта во последниот напад од мечот за делириум на паркетот.

Фудбалерите на Црвена Ѕвезда ја завршуваат сезоната во ЛШ на 29-та позиција со 2 победи и 6 порази. Се одјавуваат победнички од гостувањето кај последниот на табелата, Јанг Бојс. Човек на одлука е 34 годишниот Гелор Канга од Габон, кој испука бомба во Швајцарија.

Драматична разврска во последното 8. коло од новиот формат во ЛШ. Манчестер Сити со триумф над Клуб Бриж се избори за нокаут фаза, а Штутгарт излезе од топ 24 поради дебакл на домашен терен против ПСЖ. Големи победи за Лил и Атлетико, вредни директен пласман во осминафинале.

Стефан Ристовски и Аријан Адеми вечерва беа дел од тимот на Динамо Загреб кој оствари една од најголемите победи во клупската историја. Во Хрватска падна Милан а „модрите“ чесно се простија од понатамошната фаза на Лига на шампиони. Реал Мадрид лесно се справи со Брест, Интер лесно со Монако, Баерн со Слован а Баер Леверкузен со Спарта Прага.

Последното 8. коло од чаршав групната фаза во Лига на шампиони се игра вечерvа и тоа сите 18 натпревари стартуваат во 21:00 часот. О-с-у-м-н-а-е-с-е-т. Да не знае како да ги пофати човек. Еве ви една идеја. Сè гледаш, а уствари ништо не гледаш.

После слабата минутажа и недоверба од страна на тренерот, нула постигнати голови и по некоја повреда, Елиф Елмас се врати во лигата која повеќе му лежеше и каде освои Скудето и Куп.

„Кога дознав дека сум останал без бубрег, првото нешто на што помислив беше Иван Класниќ“, рече Иван Пешиќ, човекот кој со своите блескави одбрани на голот против Унгарија и помогна на Хрватска да се пласира во полуфинале на Мундијалот.

Навивачите на шведскиот трофеен клуб АИК Стокхолм во подготвителниот период на нивниот клуб за новата сезона, на првиот тренинг направиле шоу. Што ли ќе прават кога од 2-ри февруари ќе почне новата сезона во Шведска?

Новата италијанска серија ACAB (на Нетфликс Public Disorder) снимана според истоимената книга на италијанскиот автор Карло Бонини, одработува тема на специјална единица за разбивање демонстрации и нереди. Во една епизода снимиле навивачи на Вест Хем пред меч во Рим против Рома, како со знамиња и бакљи (иако островскиот стил никогаш не подразбира мавтање знамиња и палење бакљи, особено не на гостување во Рим), скокаат како зомбија по полициски автомобили. Везе со везе нема приказнава.

Хрватите приредија фасцинантна драма во првото четвртфинале против Унгарија, селекција која се изнамачи и не успеа да ја победи Македонија во прво коло. Обезбедија полуфинале и покрај тоа што на 5 минути до крај губеа 29:25. За Домагој Дувњак победата донесе посебна радост, бидејќи синоќа не му заврши репрезентативната кариера. Хрватска ќе одигра уште два меча, полуфинале, а потоа финале или меч за трето место, а легендарниот капитен и покрај повредата ќе биде покрај нив, како што беше вчера со една нога.

Налетавме на клип од мечот Ватфорд - Луис, жени. Ама излегоа три на крај, кој од кој почуден и нејасен. WTF?

После импресионирачки 7 настапи и 1 гол, како и два танкери со пари, разгалената бразилска ѕвезда заминува од арапскиот свет и се враќа дома. Онаму каде што почна, каде што играше самба со топката, каде освојуваше трофеи и од каде го направи трансферот во Барселона. Сантос е синоним за Пеле, кој таму остана речиси цела кариера. Клубот со помош на вештачка интелигенција направи посебно видео со гласот на Пеле за да го мотивира Нејмар.

Верувале или не, Еден Азар беше член на големиот Реал Мадрид од 2019-та до 2023-та. Никој и никаде не памети некој негов блескав меч за „кралскиот клуб“ во толку долг период. Азар во своето време во Челси важеше во еден момент за најдобар играч на светот. Пеколен техничар, брз, динамичен, експлозивен.

Аргентинскиот фудбал ни носи голчиште од необична или нетипична позиција. Го постигна Хамилтон Кампаз од Розарио. Скроз неочекуван шут за голманот.

Во 4. коло од мексиканската Лига МХ Круз Азул на гости ја совлада Некакса со 1-3. На овој натпревар гостинскиот голман, Колумбиецот Кевин Милер имаше еден интересен мини соло продор.

Репрезентациите на Франција и Египет одиграа прекрасен натпревар со изобилство дуели, многу голема борба, и 67 гола. Египет имаше нерешено и продолженија во рака во последни секунди но Лука Карабатиќ погоди од пола терен на празен гол на 0,2 секунди пред крај и Французите обезбедија ново полуфинале на Светско првенство. 34:33.