Луди сцени ни доаѓаат од финалето на македонскиот Куп меѓу Вардар и Пелистер, кој црвено црните го добија и со тоа го одбранија пехарот. Веднаш по завршувањето на мечот настанаа турканици меѓу играчите во кои се вмеша и полицијата, а еден од полицајците го удри Филип Талески со пендрек во глава. Видеото на социјалните мрежи го објави самиот ракометар, а исто и Дејан Манасков кој праша: Зошто?

На денешниот луд натпревар меѓу Лидс Јунајтед и Њукасл Јунајтед на кој домашните се бореа за бодови за опстанок а гостите за бодови за Лига на шампиони, имаше дури три пенали, црвен картон и четири гола. На крајот праведни 2:2. Еден домашен навивач упаднал на терен и му се пушти на гостинскиот тренер Еди Хау. Со законите од Маргарет Тачер наваму, којзнае што го чека.

Мајами Хит се пласираше во големото конференциско финале на Истокот откако во полуфинале го елиминираше Њујорк Никс. Во целата серија меѓу овие два тима сјајни партии пружаше искусниот Бем Адебајо кој и синоќа во триумфот постигна 23 поени со 9 скока. После мечот на сред прес-конференција неочекувано му заѕвонел телефонот. На линија повик кој не се одбива.

Кога еден ден ќе им раскажувате на внуците за тоа каков фудбалер беше Лео Меси, пуштете им го клипов од финалето на Копа деј Реј во 2015-та меѓу Барселона и Атлетик Билбао.

Во 1987-ма година кога Наполи го освои своето прво шампионско скудето во клупската историја, некои духовити навивачи, на централните градски гробишта Поџореале закачиле парола со натпис: „Не знаат што пропуштаат“. Слична парола на исто место закачиле и сега, по незапаметените прослави ширум градот каде деноноќно се славеше заслужената шампионска титула.

Фондацијата на клубот Барселона организирала убава средба за еден млад човек со Даунов синдром со неговиот идол од екипата, Бразилецот Рафиња. А не знаел, не му кажале.

Голема афера го тресе белорускиот фудбал, чија лига можеби не е прав претставник на некој елитен фудбал, но сепак праќа одличен пример како валканите игри треба да се избркаат на клоци од секое првенство.

Факт е дека не е истиот од Фиорентина, ама сезонава му е подобра од ланската и веројатно е нервозен што го вадат при негатива од 0:1 против Севиља на дури 30 минути до крај, а даде два гола по ред против Лече и Аталанта.

Вардарци му вратија на Алкалоид за поразот во првенство и го елиминираа во полуфиналето од Купот на Македонија со 31:22. Блесок на Дејан Манасков со 12 постигнати погодоци. Едниот од нетипична позиција за него. Вакви проектили од таму решеташе Пепи.

Лидерот на грчки Олимпијакос кој ќе се бори за нова европска титула, Александар Саша Везенков ја доби наградата „Алфонсо Форд“ за најдобар стрелец сезонава во Евролига. Тој во просек бележеше по 17,24 поени по натпревар на 37 натпревари во елитната лига во чиј регуларен дел беше апсолутно најдобар играч.

Рома обезбеди предност од 1:0 на првиот полуфинален меч од Лига Европа против Баер Леверкузен. Во изјавата после мечот Жозе му рече на новинарот дека ова е само полувреме и не сака да прима честитки. „Никогаш не сум славел на полувреме, никогаш не сум плачел на полувреме кога губам“, рече Португалецот.

Најдобриот кошаркар во НБА според многу параметри, игра чудесна сезона и со уште еден нов трипл-дабл го разби силниот Феникс Санс за 4-2 и пласман во големото конференциско финале на Западот. Запрашан што ќе прави во меѓувреме додека го дознае ривалот (Лејкерс или Вориорс), Јокиќ искрено си кажа.

Тежок натпревар одиграа Јувентус и Севиља во првото полуфинале на Лига Европа и на крај коректни 1-1 пред реваншот во Андалузија следната недела. Бјанконерите беа во негатива цел меч, буквално до последните секунди кога Пол Погба со прва асистенција на сезоната му намести на стоперот Гати ултра важен гол со кој Јуве сега ќе почне со 0-0 во Севиља.

Поразен и разочаран, ама скроз реален и голем во изјавата. Првата ѕвезда на Феникс, искусниот Дурант, инаку двократен првак на НБА, а воедно и МВП во двете финалиња, после елиминацијата од Денвер за Србинот вели:

Толку требаше. Само два дена откако ги растури дома, им отиде на гости и им ја заврши сезоната. Јокиќ го врати Денвер во финалето на Западната конференција по пауза од три години.

Тоа што го направи Словенецот на мечот против Индијана Пејсерс на 27 март е без конкуренција чудесија од пас на кој ниту едно друго додавање сезонава не може да му парира. Заслужено.

Најстариот италијански клуб роден 1893 и деветкратен првак, направи експресен кам бек во Серија А по само една година и се размина со Сампдорија, што не значи градот и следната сезона нема да ужива во дербито. Враќањето го слават како титула, а моќниот клип го крстија „One year only“.

Во целиот фудбалски антагонизам и ривалитет на Островот, скоро сите навивачи беа согласни дека најхаризматичен и најдуховит фудбалер е високиот Питер Крауч, третиот највисок фудбалер на сите времиња кој играл во англискиот фудбал. Сега за некогашниот англиски репрезентативец кој играше дури на две Светски првенства, Амазон снимил документарен филм.

И покрај тоа што имаа комотна предност од 18 поени разлика среде Мадрид, Партизан не успеа да ја добие мајсторката против Реал, вредна фајнлфор во Евролигата. Кошаркарите со спуштени глави се вратија во Белград, ама наидоа на голема и гласна поддршка од навивачите, без разлика што прокоцкаа предност од 2:0 во серијата.

Членови на експедицијата на незаборавниот подвиг на 10 мај 1989-та се: Димитар Илиевски-Мурато, Владимир Бошковски, Страшо Лозаноски, Јован Попоски-водач, Горазд Росоклија-заменик водач, Ѓорѓи Костовски, Борче Јовчевски, Серафим Серафимовски, Стипе Божиќ, Сашо Андонов, Димитар Тодоровски, Виктор Грошељ, Румен Ќамилов, Слободан Ѓорѓевиќ.

Единствениот странец кој водел фудбалски клуб во Северна Кореја и единствениот Србин кој го сретнал мистериозниот Ким Џонг Ун, раскажува што доживеал во оваа земја.