Што би рекол Пеп право чудо е како поранешен играч може да лупне такво нешто (се уверивме и пред некој ден со Кукоч кој неумесно го спореди Јокиќ со Дино Раѓа). Да доаѓа тоа од некој самопрозван аналитичар па да не ти е криво, ама Рој Кин.

Најдобриот дански и еден од најдобрите светски ракометари, Микел Хансен (36) соопшти дека летово по крајот на актуелнава сезона ја завршува својата кариера.

Добри Комити еј, одлични. Изгинаа за клубот. На сета мака со пари, неизвесност, испаѓање од лига, враќање во лига и празни ветувања, упорно го држат Вардар на свои плеќи, без ќорав спонзор, а истовремено го одржуваат и имиџот. Од неделната дружба во Козле каде изработија три големи графити, објавија и мангупско видео.

Пред почетокот на Купот на Перу, се игра турнир Макари Фудбал Дистрикт Лига од каде победниците одат во главната фаза на Купот. Играат најчесто нисколигаши. Така еден меч меѓу Себолитас и Емпреса Комунал на стадионот „Тупак Амару“ во градчето Мелгар станал хит на социјалните мрежи глобално затоа што тревата не била косена со недели. Купот на Перу се игра од 1967-ма година а најуспешен со најмногу пехари е Атлетико Торино (5 Купа).

Во дербито на вечерта, Голден Стејт Вориорс со 104-100 го доби Далас Маверикс. Ендрју Вигинс беше најефикасен кај „воините“ со 23 поени, четири скока и две асистенции. Стеф Кари имаше скромен учинок од 13 поени и по 7 скока и асистенции. Лука Дончиќ стигна до нов трипл-дабл со 30 поени, 12 скока и 11 асистенции. А пред натпреварот правеа циркус со Кари со шутеви од пола терен.

На 12-ти август минатата 2023-та година Њукасл ја отвори сезоната спектакуларно, со победа од 5-1 против Астон Вила. Навивачите на клубот од „Сент Џејмс Парк“ беа во екстаза. Им дојде од Милан најскапото засилување во историјата на клубот, Сандро Тонали (23) кој блесна со гол на дебито токму на овој меч.

Едните играат во трета лига, на табела се 11-ти, a го елиминираа Баерн. Другите се второлигаши кои се борат за опстанок и кои истовремено обезбедија пласман во финале. Купот во Германија сезонава е нешто посебно.

Николас Фонсека е роден во Неапол, годинава дебитирал за селекцијата на Уругвај, а член е на Ривер Плејт. Можеби некој ќе се сети на татко му Даниел Фонсека кој во 90-те играше за Наполи, Рома, Јувентус. Гледајте како му легна на пуна. Кутар голман, се исчаши целиот.

Минесота Тимбервулвс го доби Хјустон Рокетс со 113-106. Наз Реид беше играч на мечот со 25 поени, шест скока и две асистенции, а Ентони Едвардс стигна до 21 поен со пет скока и три асистенции. И го имаше второ најлудо забивање, негово лично, по она претходно кое важи за најдобро на сезоната.

Денвер Нагетс со 110-105 го совлада Сан Антонио Спарс на свој терен а одново доминантна фигура во тимот на шампионот беше нивниот лидер Никола Јокиќ.

Во натпревар од 31. коло во англиската Премиер лига, Нотингем Форест со 3-1 го совлада Фулам. Домаќините имаа 2-0 после само 19 минути игра, па гостинскиот тренер лут и кивен реши да направи тројна измена уште во 30-та минута. Права реткост е ова во фудбалот.

Во рок од четири дена, Кристијано Роналдо постигнува два хет-трика. Првиот во второ полувреме за 23 минути, вториот во прво за 31 минута. Така бе Кики, со фудбалски вештини полни ги насловните, а не да се корнеш од нервози за безвезни провокации.

Се вика Бојан Стојановски, игра за второлигашот МЗТ Уни Банка, има 19 години и има рака сатар. Не паметиме дека Стефон Кари или Лука Дончиќ постигнале две тројки од кош на кош, на ист натпревар и тоа со звукот на сирената. На Бојан тоа му успеа на гостувањето против Мега баскет во Прилеп, меч кој го добија домаќините. И неговите се држеа за глава.

Се работи за 2005-та кога Спарси беа шампиони. Главната ролја во видеово ја има Двејн Вејд, 23 годишен во тоа време. Мајами води против Феникс и се игра крајот на третата четвртина, што значи не е зорт за да се експлодира вака, ама Вејд се истакнува со крајно дрска игра во одбрана и уште подрзок кош.

Џенова одигра 1-1 со Фрозиноне и освои бод кој ги држи 10 поени над опасната зона за испаѓе. Под цртата и над цртата за втора лига се Емполи и Фрозиноне со по 25 бода. Навивачите на Џенова го прославија голот од пенал на Алберт Гудмундсон а некој остана без пивце.

Во 1. коло од новата сезона во норвешката фудбалска лига Елитесериен, трофејниот Розенборг отвори со триумф од 2-0 над Сандерфјорд. Првиот гол на мечот беше дело на шпицот на домаќините, деветката Уле Сетер кој ја звизна од преку 25 метри во агол.

Ако на нецели два месеци до крајот на клупскиот фудбал може да прогласиме шампион во некоја од топ 5 лигите, тоа се дефинитивно Интер (+14), Баер Леверкузен (+13) и ПСЖ (+12). Ова со момците на Чаби Алонсо сезонава е бајка број 1 и одличен материјал за Нетфликс.

На дуелот од Трета македонска фудбалска лига - Исток меѓу Дојранско Езеро и Овче Поле славеле домаќините 2-1. Слободан Митков постигнал еврогол од слободен удар од преку 30 метри. Со овој триумф Дојранско Езеро му се приближил на само три бода на Овче Поле на табелата на Истокот.

Млада, атрактивна и со многу авторитет. Само да чуете како ги строи на терен. „Кога ќе кажам чекај, има да почекаш. Сакаш картон да јадеш?“ Царица.

Шеесет и едно годишниот хрватски тренер Невен Спахија се приклучи на дискусијата по спорната изјава на најтрофејниот хрватски кошаркар Тони Кукоч кој во Белград изјави дека Никола Јокиќ не бил уште на нивото на Владе Дивац и Дино Раѓа.

Триесет и четири годишниот прославен словенечки велосипедист Примож Роглиќ возел сјајна трка на Тур де Баскија во понеделникот. Бил постојано во водство, но во еден момент тргнал во погрешна насока. На крајот победил но овој мал кикс го чинел осум секунди во финишот. „Среќа што беше доволно време за да победам“.

Атланта Хокс славеше 113:101 против Чикаго Булс, а капитенот на српската репрезентација Богдан Богдановиќ кој инаку важи за смирен и не толку темпераментен кошаркар, во еден момент на тајм-аут избувнал и му се сипал на тренерот на екипата Квин Снајдер на кого му се внел во лице.

Наградата „Ференц Пушкаш“ за најубав гол за календарска 2023-та ја доби Бразилецот Гиљерме Мадруга кој постигна акробатски маестрален гол за Ботафого во јуни 2023-та. Сега за 2024-та календарска, веќе има неколку сериозни кандидати за ова врвно признание.