Одиме со нова голема фудбалска претстава во која ќе се бара победник на европскиот континент меѓу 24 земји учеснички.
Повод? 17-то издание на ЕП. Место? Германија. Градови домаќини? Берлин, Минхен, Дортмунд, Штутгарт, Гелзенкирхен, Франкфурт, Хамбург, Дизелдорф, Келн и Лајпциг.
Период 14 јуни - 14 јули, во кој натпреварите од сите фази се играат во три термини: 15:00, 18:00 и 21:00 часот.
Има шест групи по четири репрезентации. Во осминафинале одат најдобрите две од секоја група, плус најдобро пласираните четири третопласирани.
Вас што ви е задача? Да го ладите со време пивото и да се разберете со време кои се приоритетите по дома во наредните месец дена.
Како и се разбира да го симнете најновиот ексел документ кој традиционално ви го даваме на тацна.
Само пополнувате и толку, а тој сам ги прави калкулациите на табелите. Ако сакате симнете и две копии, едната може да ви служи за прогноза.
Клик врз фајлот EURO2024.xlsx
