Кариерата ја заврши во 2005-та со 50 победи и 6 порази. 44 од победите му се со нокаут. Од нив 19 во низа, а тоа се првите откако почна да боксува. Сè уште е најмлад шампион во тешка категорија на 20 години. Важеше за најстрашната боксерска машина која не бадијала го доби прекарот „челичен“.

Дејвис Куп репрезентацијата на Шпанија денес ќе игра во четртфинале против Холандија. Во селекцијата е и легендарниот Рафа Надал кој неодамна најави дека овој турнир ќе му биде последен во кариерата. Најк снимил уште една реклама во негова чест, а Рафа изјави како тука момците се битни, не негово евентуално пензионирање и дека му е толку убаво во репрезентацијата што воопшто не размислува на крајот.

Една од најголемите култни легенди на бразилскиот фудбал и на Барселона, Ривалдо учествувал во ревијален натпревар со хуманитарен карактер во бразилскиот град Коритиба. Играле поранешни ѕвезди на Барселона против поранешни бразилски фудбалери. Меѓу другите настапиле уште и Ромарио, Хавиер Савиола, Едмилсон, Кафу, Зе Роберто. Ривалдо го отворил мечот со преубав гол од слободен удар, во негов стил.

Србија и Данска одиграа само 0:0 во последното коло од Лига на нации. Премалку, ако се ѕирне статистиката, која вели вкупно 22 шутеви на Србите наспроти 8 на Данците. Или уште подобро ако се погледнат најзрелите 7 на мечот од кои 5 на домаќинот или три на Влаховиќ.

Исто движење, иста енергија, нервоза, агресија, абе плукнат Винисиус. Но во лавината видеа на Твитер, некој си поиграл и го забетонирал името на Бразилецот на самиот клип и на прва секој ќе помисли дека е тој. Ние го објавивме и толку им требаше на нашиве мадридисти - „професионалци“, се кренаа против редакцијата и тоа лути бре и натажени за најмилото од Рио.

Селекторот на италијанската фудбалска репрезентација црта и објаснува со каква финта треба да се служат напаѓачите пред да втрчаат кон гол. Да ја следат позицијата на линискиот судија. Интересно.

За Сан Марино, 2024-та е фудбалска година за која веројатно до сега само сонувале. Верувале или не, први во група завршија и годинава се радуваа на триумф по пауза од 20 години и тоа два пати.

Синоќа во МБА ЛА Клиперс го сопреа Голден Стејт Вориорс кој е во страшен налет, а Џими Батлер се врати после повредата и со 30 поени му донесе голем триумф на Мајами Хит против Филаделфија Сиксерс. А Сиксерси играат очајна сезона - го запишаа 11-от пораз во сезоната и имаат учинок 2-11. Жоел Ембид на неговиот трет меч сезонава имаше само 11 поени и за првпат дури од 2018-та не изведе ниту ЕДНО слободно фрлање цел меч.

Паднаа 26 гола на 9 меча во претпоследниот ден од последното коло во групната фаза од Лига на нации. Еден од најубавите, ако не и најубав е оној на средбата Полска - Шкотска 1:2. Го постигна дефанзивецот Камил Платковски.

Татко низ игра ѝ вика на ќерка му ќе кажеш дека НБА ѕвездата Леброн Џејмс е најдобар на сите времиња или седи во ќош. Девојчето не попушта за ништо.

Во реваншот од четвртфинале на Конкакаф Лига на Нации, САД со 4-2 ја совлада Јамајка. Стрелец на првиот гол за домаќините беше фудбалерот на Милан Кристијан Пулишиќ кој го прослави со фамозниот Трамп танц кој го прошири по светот.

Под наслов „Дербито што разделува и обединува град“ Евролига го најавува претстојното вечно белградско дерби Црвена звезда - Партизан закажано за четврток од 20.00 часот. Црвено-белите се домаќини и во далеку подобра форма го дочекуваат дербито. Црно-белите, пак, зад себе ќе имаат 1.000 грла во гротлото на белградска „Арена“.

Нема да одиме со она легендарното од лево на десно клечат/стојат, туку ќе ги респектираме по години. Атанас Костовски, Златко Калински (омилениот), Југослав Костовски, Тони Стојановски, Дамјан Николовски (најмладиот). Не врши работа едно пиво за да ви раскажуваат анегдоти од стотиците и илјадници минути коментирање на разни спортски збиднувата, посебно па со двајцата пензионирани. Инаку за екипата да биде комплетна, фалат уште.

Иако делува на лик кој слободното време го поминува во играње Плејстејшн, Осман Дембеле да ти бил опседнат со документарни филмови за диктатори. „Ми се допаѓа да гледам што правеле диктаторите: Мобуту, Германецот...Сталин, ми се допаѓаат тие документарци“, вели фудбалерот на ПСЖ. Чуамени и Кунде се кезат на муабетот.

За англискиот фудбал може да кажете дека е ваков или таков, некому да се допаѓа повеќе некому помалку, ама факт е дека најдобро организираната лига на свет е токму англиската Премиер лига. Кај нив ништо не се препушта на случајот, особено не невкусни зафрканции.

Македонската фудбалска репрезентација со години се бори против лошата трева на Градски. И таман кога помисливме дека е џам направена, пак не чини, а двојно повеќе пари се дадоа од онаа на Алијанц арена.

За помладите генерации, Холифилд и Луис беа најголемите ривали на Тајсон во времето кога имаше саглам бокс и тие двајца се дел од вкупно петмината кои успеале да го совладаат. Холифилд го победи во 1996-та, па следната година уште еднаш кога Тајсон беше дисквалификуван поради она славно гризење на увото. Луис пак го порази Тајсон во 2002-ра. И двајцата му дадоа поддршка пред борбата против 31 година помладиот Џејк Пол.

Италија - Франција синоќа заврши 1:3 во групата 2 од А дивизијата, а претходно и Франција - Италија заврши 1:3. Тоа значи дека ако Мојс Кин успееше да реализира во последните мигови од средбата, Италија ќе завршеше прва поради подобриот меѓусебен дуел.

Во група 1 од А дивизија во Лига на Нации Португалија и Кристијано Роналдо играат совршено. Португалците во петокот ја размонтираа Полска со 5-1 иако до 59-та минута резултатот на семафорот беше 0-0. Кристијано Роналдо (39) даде два гола, еден во 72-ра од пенал и еден во 87-ма минута со ножички за конечни 5-1.

Се работи за шпанската футсал екипа Рибера Навара, ако ви значи нешто. Ниту тргнаа во акција, ниту топка нагазија. Луда работа.

Италија имаше супер шанса да заврши прва во групата 2 од А дивизија во Лига на нации но на крајот Франција во последното коло славеше 1-3 и излезе пред Италијанците на табелата. Двете репрезентации имаат ист број бодови, ист меѓусебен учинок (Италија исто славеше 1-3 на гости) но Французите имаат подобра гол разлика. Синоќа Адриен Рабио со два гола со глава и Лук Диње со прекрасен гол од слободен удар и две асистенции ги спуштија Итаијанците на второ место.

Светскиот првак Андре Шурле го откачи фудбалот на 29 години, ама не за да безделничари по јахти и да се пропие. Неговиот спортски живот е бетер откако е во пензија. За роденден на пример истрча 42 км. Позаслужена пица и торта на биоскоп.

Република Ирска се држеше добро на „Вембли“ во Лига на Нации до 53' минута кога почна страшна канонада на Англија. Од тој момент кога Хари Кејн од пенал го отвори резултатот па сè до 58-ма минута Ирска прими три гола и губеше 3:0. До крај Англичаните „пукнаа петарда“ и со 5:0 ги испратија гостите. Меѓу стрелците беше и младиот стопер Тејлор Харвуд-Белис (22) од Саутемптон кој постигна дебитантски гол со глава.

Македонската фудбалска репрезентација триумфално ја заврши годината и го потврди првото место во групата, а со тоа и промоцијата во Лига Б. За пласман во баражот за Светско ќе мора да ја почекаме разврската.