Ако не знаете како изгледаат тренерски инструкции на сред натпревар во нашиот селски фудбал, ето го Киро од Охрид кој велит вака: Од Сиљановци викни го то будалата. Дејан да си ја врзиш ваму местово, местово.

Менаџерот на Јаја Туре, Димитри Шелук ја продолжи вербалната војна со тренерот на Сити за кого изјави дека кога Туре си одел од Барселона во Сити му рекол: Не оди во тој срање клуб. Пеп бара извинување во спротивно Туре нема да го види зелениот терен цела сезона.

На бразилската фудбалска легенда денеска многу медиуми му посветија простор за да му го честитаат јубилејниот 40-ти роденден, а други тоа го направија во неделата на 18-ти. И сега настана конфузија дали Роналдо е роден на 18-ти или 22-ри септември? Дилемата е решена.

Ајакс синоќа во холандскиот Куп со 5:0 го победи Вилјем Втори, но главен момент на мечот беше црвениот картон кој го доби гостинскиот играч Ануар Кали и тоа после асистенција на видео технологијата.

Простувањето од националниот дрес очекуваше дека ќе му се случи на друг начин, ама и ова не е лошо. Бразил изненадувачки загуби од Иран на пенали во осминафиналето на Светското првенство во Футсал, а гостинските играчи го испратија најдобриот футсал играч на сите времиња во репрезентативна пензија како Бог.

Како корпулентен расен стрелец на Ренџерс, зад решетките од најголемиот затвор во Шкотска потпишува договор со Евертон. Во Англија ќе стане култен херој поради бескомпромисните дуели поради кои стана рекордер по бројот на црвени картони во Премиер лигата.

Бразилецот Давид Луиз после две години во Пари Сен Жермен се врати во Челси, па навивачите срдечно го пречекаа на Стемфорд Бриџ. Еден од нив, при првиот престој на Луиз во Челси после секој меч трчал од стадионот до хотелот со играчите само да се поздрави со него и да му каже дека одиграл добро.  Откако после мечот со Лестер, после толку време повторно го видел дечкото како го довикува, Луиз му пријде и му го даде дресот.

Ако на македонската фудбалска репрезентација и фали нешто во составот, тоа сигурно е расен стрелец на кој може да сметаме дека шансите за гол нема да ги остави неискористени. Газдата на Палермо вели дека за да реализира 10 гола на Несторовски му требаат 10 асистенции.

Арсен Венгер денес слави јубилеј две децении на клупата на „Топџиите“. Дојде како иновативен тренер кој допринесе (уште допринесува) за развојот на убавиот фудбал. Во Премиер ги донесе Анелка, Виера и Тиери Анри и веќе во првата сезона освои двојна круна. Во последно време навивачите му замеруваат поради тоа што имал „змија во џебот“ и не троши пари за нови засилувања на тимот.

Во ситуација кога напаѓачите спијат или не им оди, се чека гол од позадина. Тоа често знае да се случи во Реал Мадрид кој се потпирал на Карлос, Јеро и сега Рамос.

Малер до малер го следи славниот Милан. Таман кога навивачите се израдуваа на веста дека Кинези го купија клубот и дека конечно ќе може со ќејф да одат на стадион и да гледаат фудбалери, а не дрва, нов потрес го фати клубот од улицата Дурати во Милано.

Масовна тепачка се случи на ватерполо дуел на индонезиските национални игри. Навивачите револтирани од некои судиски одлуки почнале да фрлаат шишиња во водата, а во хаотичната ситуација во базенот летаа тупаници на сите страни.

Баерн Минхен убедливо со 3:0 ја збриша Херта и стигна до 4 од 4 во Бундеслигата. Резултатот го отвори Франк Рибери во 16 минута откако ги измрда своите чувари со стар, ама добар дриблинг кој уште пали.

Нов гол и нови бодови на Палермо во Серија А благодарение на одличниот Илија Несторовски. Македонскиот репрезентативец минатото коло го спаси својот тим од пораз, а овој пат му донесе 3 драгоцени бодови на гости против Аталанта со атрактивен потег во 89 минута. На повидок ли е нова македонска ѕвезда во италијанското првентво која му ја носи првата првенствена победа на Палермо?

Влијанието на рускиот претседател Владимир Путин лежи зад приказната со трансферот на Аршавин во Арсенал кој за Русинот морал да плати 15 милиони фунти, двојно повеќе отколку што бил спремен да плати.

И покрај тоа што се постари, битно се искусни, познати, играчи со реноме. Но никој не ги донесе за време на летниот трансфер период, а немаше ништо да загуби, можеше само да добие. Се работи за слободни агенти.

Македонија конкурираше да биде меѓу градовите домаќини на ЕП 2020 кое ќе се игра во 13 различни земји, но УЕФА одлучи за сега да останеме само на европскиот Супер Куп следната година.

Една од оние сцени во Премиер лигата во време кога парите не беа до толку во прв план како што е сега со Арапи и Руси. Кошкањето почнува со Виера и Кин, ги двојат Бекам и Беркгамп, а се вмешува Јап Стам. Колку само тежина има видеово со овие за жал веќе поранешни фудбалери.

Натаниел Чалоба после четири години и осум месеци ашкање на шест позајмици, синоќа во Купот против Лестер конечно дебитираше за Челси, клубот со кој го потпиша првиот професионален договор.

Видад Казабланка е фудбалски клуб од Мароко кој не е страшно и да не го знаете. Не е дека во кладилница ја барате нивната лига за типување. Но мора да ги упознаете нивните навивачи по кои тимот е познат во Африка. Се викаат „Winners“ и името одлично им стои особено кога ќе ги чуете колку се добри. Велат најголем спектакл правеле на дербито против ривалите Раја Казабланка.

Нова дилема во оние мистериозни приказни кои обично доаѓаат од Африка и каде спорна е возраста на фудбалерите. Ако овој има 23 години, тогаш Наџмедин Мемеди и Љупчо Марковски уште играат за македонска репрезентација. Нели е така?

На семинарот „Љубов и мир“ посветен на медитацијата и јогата, присуствуваше и најдобриот светски тенисер Ѓоковиќ кој одржа краток говор за тоа колку него лично му помага медитативниот процес.

Ако ве интересира што се случува со кариерата на поранешната ѕвезда на Барселона, сега ќе дознаете. Се наоѓа во Андора, земја која може целосно да се испразни ако сите нивни жители се појават на Камп Ноу на ист натпревар.

Грчкиот репрезентативец со нигериско потекло, Јанис Антетокумпо го продолжи договорот со Милвоки Бакс според кои ќе заработи 100 милиони долари во следните четири години.