Вика Азаренка за Новак

Некогашната најдобра светска тенисерка, Белорусинката Викторија Азаренка која играше одличен тенис на Вимблдон летово и стигна до четвртфинале, во подкастот „Ап фронт“ раскажува за разликата меѓу Роџер Федерер, Новак Ѓоковиќ и Рафаел Надал.

Азаренка е една од ретките во светот на тенисот која му дава отворена поддршка на Ѓоковиќ и јасно кажува со што тој се соочува.

„Во машкиот тенис сметам дека Ѓоковиќ не го добива третманот кој го заслужува. Роџер и сета таа негова елеганција, неверојатен е, мислам дека е најталентиран од ’Големата тројка’. Рафа е борец и има големо срце. Но умот на Новак?! Не сум видела такво нешто кај ниту еден друг спортист. Навистина сум импресионирана.

Можам да видам кај Новак една источно-европска дисциплина и работна навика. Ѓоковиќ беше етикетиран како негативец многу пати. Постојат двојни стандарди. Во моите очи и во очите на другите претпоставувам, Роџер не може да направи грешка, Рафа не може да згреши. Сите ги поддржуваат. А Новак постојано се качува по угорница. Забележав, можеби грешам, кога беше млад сакаше да биде сакан од јавноста а сега мислам дека не му е гајле“.

14 јули 2023 - 12:58

Штета ако сте пропуштиле

Протест на денот

Како е да се живее во ЕУ со 165 евра месечно?

Споменици и луѓе

Додека Принц цимоли јако