Осумнаесет годишниот Калин Ивановски тргна со бербата на трофеи. Денес по големиот пресврт беше подобар од 25-годишниот Кијаметовиќ од БиХ. Ривалот го доби првиот сет со 6-4, но Калин покажа одлична ментална снага и со сјајна игра прво израмни на 1-1 (6:4).
Во третиот решавачки сет, Калин како да уфрли во петта брзина и експресно го реши повозрасниот противник со 6-1.
На патот до големото финале, Калин Ивановски лесно се справи со Делаведова од Австралија (триумф 2:0), Виљосада од Франција (2:0), Неделчев од Бугарија (2:1) и Вандермерш од Франција (2:1).
За најдобриот македонски тенисер ова е прв трофеј во професионалната кариера. Калин до пред неколку месеци играше во јуниорска конкуренција.
Овој триумф ќе му донесе голем скок на АТП листата на која во моментов е на 1.074 место.
Калин игра во одлична форма на последните неколку турнири а блесок имаше на јуниорскиот дел од Вимблдон кога доби пофалби од многу врни тенисери меѓу кои и од Новак Ѓоковиќ и Каспер Руд.
