Новак го предаде полуфиналето на Отвореното првенство на Австралија поради повреда на мускулот. Потоа изгуби во првото коло на турнирот во Доха, па во второ коло на Индијан Велс а потоа и во полуфинале на АТП Мајами.
Новак Ѓоковиќ слабо ја отвори и сезоната на земјена подлога, испадна во 2. коло на турнирите во Монте Карло и Мадрид, а во меѓувреме реши да се откаже од настап во Рим.
Новак Ѓоковиќ на својот официјален профил на друштвената мрежа Х јавно му се заблагодари на Мареј.
„Ти благодарам, тренеру Енди за сета напорна работа, забава и поддршка во последните шест месеци на и надвор од теренот. Навистина уживав во продлабочување на нашето заедничко пријателство“, напишал Новак.
Ѓоковиќ деновиве е во родниот Белград каде се спрема за турнири во Швајцарија и Франција. Тој ќе игра на турнирот во Женева од 18-ти до 24-ти мај каде добил специјална покана и каде ќе ја крева формата за Гренд Слемот Ролан Гарос кој се игра од 25-ти мај до 8-ми јуни.
Thank you, coach Andy, for all the hard work, fun & support over last six months on & off the court. I really enjoyed deepening our friendship together 🙏 pic.twitter.com/iXqkdIN2Gb
— Novak Djokovic (@DjokerNole) May 13, 2025
