Десетте пливачки подвизи на супер херојот Марко кој комплетираше три во рок од две недели

Се сеќавате ли на детето кое на 12 години, по пауза од 50 години стана прв охриѓанец кој успеал да го преплива Охридското езеро? Епа летово ќе плива 250 км и добро му оди.

Марко Пејчиновски во август 2018-та беше сензација број 1 откако на само 12 години успеа да го преплива Охридското езеро.

Тоа го направи на јуначки начин и тоа на бранови поради кои не можел да јаде за да добие енергија и плус со направена операција на тестиси по која добил инфаркт на колкот.

Веста одекна во регионалните медиуми кои го нарекоа супер херој, а лани се истакна со уште два маратонски ремек дела.

По повод празникот Св.Наум, делницата долга 30 км ја пливаше во обратен правец, овој пат од Охрид до Св.Наум и тоа со време од 8 часа и 45 минути или за час и половина побрзо од првиот пат.

Тоа се случи на 5 јули 2021, а на крајот на септември стана прв Охриѓанец кој пливаше на релација Охрид - Струга - Охрид. Тоа го стори за 9 часа и 6 минути, а го посвети на децата со ретки болести.

Но Марко не застанува тука и сака нови предизвици со кои посакува да ги подигне стандардите. Целта му е да докаже дека Македонија е расадник на таленти во разни спортови, како и да ги поттикне и другите спортисти.

Големите подвизи за ова лето гласат вака:

10 препливувања во 10 викенди во должина од 250 километри.

Три веќе ги заврши од 12 до 26 јуни. Какво храбро мангупиште од дете.

12 јуни
Релација: Радожда-Охрид
Должина: 14 километри
Време: 5 часа и 25 минути