Бостон доби солидарност од најголемите ривали

По терористичкиот напад на маратонот во Бостон, пред почетокот на сите спортски манифестации екипите оддадоа почит со едноминутен молк, но некои ја искажаа својата солидарност и на поинаков начин.

Ривалството помеѓу безбол екипите Њу Јорк Јенкис и Бостон Ред Сокс трае повеќе од 100 години и е едно од најстарите спортски ривалства во светот и едно од најголемите во САД.

Сепак тоа не беше пречка за екипата на Њу Јорк и нивните навивачи да искажат почит кон ривалскиот Бостон. Освен стандардниот едноминутен молк, насекаде околу и на стадионот беа истакнати пораки со поддршка, а за време на натпреварот на разгласот беше пуштена "Sweet Caroline", песната која е заштитен знак на навивачите на Бостон Ред Сокс и се пушта пред секој натпревар на нивниот стадион.

Големо е и ривалство помеѓу спортските клубови од Чикаго и Бостон, како она на Булс и Селтикс, но дневниот весник од Чикаго на своите спортски страници му оддаде почит на Бостон на прекрасен начин.

17 април 2013 - 14:38