Сите безбедносни служби синоќа беа на нозе. Кејот беше затворен за македонски минувачи каде се веселеа гостинските навивачи. На одење на стадион четворица ликови во цивилка ни ја проверуваа колата, а кога си заминувавме од новинарската ложа, во лифт се возевме со Тигри, кои носеа опрема како за во војна. Неверојатна сцена, која прв пат ја гледаме на Градски. Чуму? Папата ли беше дојден? Македонија - Англија беше само фудбалски натпревар и ништо повеќе од тоа, а Англичаните кои дојдоа во бројка од 2.300 само се забавуваа. Инциденти нула. Погледнете ја атмосферава.
