- По повеќе од две децении ширум континентот, легендарниот португалски стручњак Жозе Мурињо најверојано се враќа дома. Бенфика по срамниот историски пораз од азербејџански Карабах 2-3 на домашен терен доцна синоќа го отпуштила тренерот Бруно Лаж.
- Навивачите на „орлите“ го исвиркаа тренерот и со традиционалните бели марамчиња (кога во Шпанија и Португалија се појавуваат бели марамчиња тренерот нема назад) побараа оставка.
- Жозе Мурињо е на пат да потпише договор и да стане нов тренер на Бенфика откако го отпуштија од Фенербахче. Тој се прослави на клупата на вечниот ривал Порто со кој стана европски шампион во 2004-та година.
- Најдобриот кошаркар од земјава, Ненад Димитријевиќ вечерва со својот Баерн Минхен гостува во гротлото на белградска „Арена“ каде ќе ги пречека Црвена звезда. Димитријевиќ зборувал во интервју за Б92 околу својата кариера.
- Вели дека првата сезона во Евролига во Милано му била напорна зошто често имало натпревари, силен ритам а тој влегол без многу тренинзи во процесот.
- За радоста од понудата на Баерн Минхен:
- „Бев на краток Божиќен одмор од Зенит во Дубаи, кога ми се јави Мишко Ражнатовиќ и ми кажа дека постои можност за Баерн. Кога слетав назад во Санкт Петербург ме побара Кари Пешиќ. Разговаравме прилично долго и веднаш почуствував дека е тоа нешто што ми треба во кариерата. Веќе планирав на лето да се вратам во Евролига и да добијам нова шанса после тешката сезона пред тоа (во Милано). На крајот се испадна како треба и за мене е голема чест што сум овде. Голем клуб, голем тренер и прав предизвик“, вели Димитријевиќ.
- На прашањето зошто не заврши во Партизан како што се шпекулираше долго, Нено кој е голем навивач на црно-белите вели:
- „Можеби првата година по заминувањето од Валенсија бев поемитевн по тоа прашање. Кога бев уште дете го сакав Партизан и помислив дека е убаво да го почуствувам и тој дел, да не биде се само професионално туку и емотивно. Но тогаш ништо не се случи. После таа приказна некако згасна и никогаш не стигна конкретна понуда. Го познавам Жељко преку син му Ѓорѓе така што бевме во контакт и разговаравме неколку пати. Но никогаш не беше тоа приказна за Партизан или какви било преговори туку обични разговори“, вели Нено.
- Реал Мадрид има големи проблеми со повредени играчи и тренерот Арбелоа никако не може да го комплетира составот. Сега француските медиуми пишуваат дека Килијан Мбапе многу лесно би можел да го пропушти цел март.
- Мбапе не беше на „Сантијаго Бернабеу“ кога Реал Мадрид без него изгуби 0-1 неочекувано од Хетафе во Ла Лига. Беше во Париз каде отишол на дополнителни контроли за повреденото лево колено. Тој дури и бил фрустриран што физиотерапевтите и лекарите во Реал долго време не можеле да му најдат чаре за повредата на левото колено на кое имал истегнуање.
- Одлучено е да не се оперира но му требало одмор и трпение за да закрепне. Килијан веројатно нема да може да и помогне на екипата на Реал Мадрид кој веќе заостанува -4 бода зад Барселона во Ла Лига и го чекаат две тешки средби против Манчестер Сити во осминафинале на Лига на шампиони.
- 27-годишниот Французин со африканско потекло сигурно ќе ги пропушти и пријателските средби на Франција против Бразил и Колумбија на 26-ти и 29-ти март на турнеја по САД.
- Со 23 гола Мбапе е убедливо најдобар стрелец во Ла Лига во моментов а прв стрелец е и во Лига на шампиони со 13 гола.
- Во Реал во моментов се пворедени Родриго, Мбапе, Белингем, Едер Милитао, Дани Себаљос. Поради суспензија следниот меч во Ла Лига нема да го играат Франко Мастантуоно, Дин Хејсен и Алваро Карерас.
