Offside › Набрзинка

Жесток судир на бразилски навивачи на автопат

30 септември 2022

На еден автопат кој ги спојува Бело Хоризонте и Сао Пауло во Бразил, случајно се сретнале десетина автобуси со навивачи на Крузеиро и десетина автобуси со навивачи на Палмеираш. Навивачите веднаш излегле од автобусите и настанал хаос.
Од целиот хаос тешко повредени биле десетина навивачи, а властите во државата отвориле истрага.
Во Јужна Америка е познато огромното насилство на и надвор од стадионите, а неретко се губат и животи во бесмислени навивачки пресметки.
Палмеирас и Крузеиро се стари, децениски ривли. Во моментов во различни лиги, Палмеираш е прв во најдобрата лига Серија А со дури девет бода предност од вториот Флуминенсе, а Крузеиро е прв во втората лига Серија Б со 18 бода повеќе од второпласираниот и сигурно ќе се врати во елитата.

22 јули 2026

ФИФА може да добие нов претседател доколку успее мисијата на Доналд Трамп, кој го мести Џани Инфантино да стане генерален секретар на Обединетите нации.
Американскиот лидер во швајцарскиот функционер гледа идеален наследник на Антонио Гутереш. Иако во трката за оваа позиција веќе има седум официјални кандидати, Трамп е самоуверен дека преку Советот за безбедност и Генералното собрание на ОН може лесно да ја излобира оваа функција за својот сојузник.
„Во Организацијата на обединетите нации треба да се координираат 193 држави, додека под капата на ФИФА има над 200 земји членки. Резултатите на Инфантино јасно покажуваат дека тој поседува врвни раководни способности за ваква глобална улога“, изјави советникот на Трамп, Паоло Замполи.

22 јули 2026

Најдобрата македонска тенисерка ќе има нова шанса за настап на Гренд слем турнир, откако се најде на листата на пријавени учеснички во квалификациите за отвореното првенство во Њујорк.
Организаторите ноќеска ги објавија листите, а сите тенисерки рангирани од 103-тото место надолу ќе настапат во квалификациите, освен оние што ќе добијат специјална покана.
Ѓорческа, која е 214-та на ВТА, минатиот месец испиша историја за македонскиот тенис, откако успеа да мине три квалификациски кола и да се најде на главниот турнир на Вимблдон.