- На еден автопат кој ги спојува Бело Хоризонте и Сао Пауло во Бразил, случајно се сретнале десетина автобуси со навивачи на Крузеиро и десетина автобуси со навивачи на Палмеираш. Навивачите веднаш излегле од автобусите и настанал хаос.
- Од целиот хаос тешко повредени биле десетина навивачи, а властите во државата отвориле истрага.
- Во Јужна Америка е познато огромното насилство на и надвор од стадионите, а неретко се губат и животи во бесмислени навивачки пресметки.
- Палмеирас и Крузеиро се стари, децениски ривли. Во моментов во различни лиги, Палмеираш е прв во најдобрата лига Серија А со дури девет бода предност од вториот Флуминенсе, а Крузеиро е прв во втората лига Серија Б со 18 бода повеќе од второпласираниот и сигурно ќе се врати во елитата.
- Претседателката на Мексико Клаудија Шејнбаум пред неколку дена изјави дека Мексико е спремен да го одржи Светското првенство и дека не постои никаков ризик од одложување и преместување натпревари поради честите криминални пресметки меѓу бандите и полицијата.
- Но Светскиот Куп за скокови во вода закажан за следната недела во Мексико е откажан од безбедносни причини. Натпреварувањето требаше да се одржи од 5-ти до 8-ми март во градот Сапопан во близина на Гвадалахара во државата Хелиско. Но токму во оваа држава од минатата недела изби масивно насилство на бандите по убиството при обид за апсење на Намесио Осерега Сервантес познат како „Ел Менчо“, најпознатиот водач на озлогласениот нарко-картел „Халиско Нова генерација“ (CJNG).
- Бандитите веќе неколку дена палеле автомобили и блокирале улици со запалени автобуси во речиси 12 мексикански држави а властите тврдат дека најмалку 70 лица загинале во престрелките со полицијата.
- Најдобриот стрелец во историјата на Реал Мадрид и во историјата на репрезентативниот фудбал, Кристијано Роналдо купил 25% од акциите на шпанскиот второлигаш Алмерија.
- Португалецот кој игра за Ал Наср купил пакет акции преку неговата фирма CR7 Sports Investments. Роналдо на крајот од 2025-та стана првиот фудбалер-милијардер. Неговото богатство се проценува на 1,4 милијарда долари.
- Шпанскиот клуб АЛмерија е на трето место во втората лига Сегунда дивизион со одлични шанси до крајот на сезоната да обезебди пласман во елитната Ла Лига.
- Огромно задоволство од влегувањето на Роналдо во Алмерија изразил и првиот човек на клубот, Мохамед Ал Кереиџи, сопственик на садуиската СМЦ Група.
