Offside › Набрзинка

Ждрепка за Куп: Две скопско-битолски средби во полуфиналето

27 април 2022

Во просториите на РФМ денес се одржа ждрепка за завршница на Купот на Македонија која ќе се одржува во салата „Јасмин“ во Кавадарци.
Актуелниот шампион и бранителот на пехарот во Купот, Вардар 1961 во полуфиналето ќе игра со Еурофарм Пелистер 2, а во второто полуфинале ќе се соочат Бутел Скопје и Еурофарм Пелистер.
Завршницата е предвидена за 13 до 15 мај. Полуфиналните дуели се закажани за петок (13 мај), првото полуфинале од 17 часот а второто во 20 часот.
Можно е големо финале меѓу најголемите ривали за титулата, РК Вардар 1961 и Еурофарм Пелистер.

20 мај 2025

Јирген Клоп сензационално се поврзува со нова тренерска работа во италијанската престолнина.
Угледниот италијански весник Ла Стампа тврди дека легендарниот стратег на Ливерпул, во неделата на 18 мај во 22:57 часот му дал согласност на претседателот на Рома, Ден Фридкин.
Се зборува за голема револуција во составот, кој ќе претрпи бројни промени, а советник на Клоп ќе му биде токму Раниери.
Клоп лани се повлече од тренерската улога и стана координатор на клубовите на Ред Бул.

20 мај 2025

Утрово изненадувачка вест стигнува од Фудбалскиот сојуз на Србија кој до српските медиуми пласирал вест дека репрезентацијата на нашиот северен сосед ќе ја пречека велесилата Англија на новиот стадион во Лесковац.
Интересно стадионот „Дубочица“ има капацитет од само 8.000 гледачи. За разлика од белградските стадиони „Рајко Митиќ“ и стадионот „ЈНА“ кои редовно се полу-празни кога на нив игра српската репрезентација, стадионот во Лесковац секогаш е преполн до последно место.
Натпреварот Србија - Англија во рамки од квалификациите за Светско првенство 2026 е закажан за 7-ми септември. Претходно селекторот Драган Стојковиќ и Србија ги чека исклучително тешко гостување во Тирана против Албанија на почетокот на месец јуни.