- Англиските медиуми синоќа пренесуваа вест дека поради згуснатиот и проширен календар на УЕФА со експанзија од неколку турнири, англиската фудбалска асоцијација (ФА) планира да ја укине вековната традиција за фудбал вечерта по најголемиот христијански празник Божиќ.
- Уште не е донесена конечна одлука но веќе се оди во таа насока, пишува Дејли Мејл. Можно е најверојатно да се игра само еден натпревар а тој натпревар би бил Манчестер Јунајтед - Њукасл закажан за 27. декември. Другите натпревари исто би биле во проширено коло на 2-3 дена после Божиќ од 27-ми до 29-ти декември.
- Првиот натпревар за Божиќ се играл во 1888 година и се играло до 1965-та. Последен пат помалку од три натпревари за Боксинг деј имало смо во 1982-ра година.
- Откако решија да не го откупат договорот на Маркус Рашфорд кој беше позајмен од Манчестер Јунајтед, луѓето од управата на Барселона синоќа го претставија новото скапоцено засилување за новата сезона.
- Англискиот репрезентативец Антони Гордон доаѓа на „Камп Ноу“ од Барселона во трансфер вреден 70 милиони евра плус 10 милиони евра во вид на различни бонуси. Гордон потпишал петгодишен договор.
- Напаѓачот доаѓа како замена за Рашфорд и Левандовски кои заминуваат од Барселона.
- Овој трансфер покажува дека Барселона конечно финансиски закрепнала затоа што во претходните преодни рокови мака мачеше со трансфери и регистрација на фудбалерите.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
