- Втората фудбалска лига во Македонија е далеку поинтересна за поголем дел од јавноста, затоа што таму игра најтрофејниот клуб во земјата, ФК Вардар. Црвено-црните минуваат низ најтешкиот период во клупската историја, кубурат со финансии и со сè останато, но инатот и пркосот ги мотивира да го бранат достојно грбот на клубот.
- Вардар во моментов е втор на табела со 56 бода, а прва е Воска од Охрид со 59 бода. Трет е Гостивар со 55 бода, а четврти Пелистер со 50 бода.
- Во следното коло се игра дербито на Втора лига меѓу Воска и Вардар а домашниот клуб веќе доставил допис до црвено-црните дека нема да прима гостински навивачи и дека забранува присуство на приврзаници на Вардар. Комитите го одбија соопштението и најавија инвазија на Охрид.
- Претседателката на Мексико Клаудија Шејнбаум пред неколку дена изјави дека Мексико е спремен да го одржи Светското првенство и дека не постои никаков ризик од одложување и преместување натпревари поради честите криминални пресметки меѓу бандите и полицијата.
- Но Светскиот Куп за скокови во вода закажан за следната недела во Мексико е откажан од безбедносни причини. Натпреварувањето требаше да се одржи од 5-ти до 8-ми март во градот Сапопан во близина на Гвадалахара во државата Хелиско. Но токму во оваа држава од минатата недела изби масивно насилство на бандите по убиството при обид за апсење на Намесио Осерега Сервантес познат како „Ел Менчо“, најпознатиот водач на озлогласениот нарко-картел „Халиско Нова генерација“ (CJNG).
- Бандитите веќе неколку дена палеле автомобили и блокирале улици со запалени автобуси во речиси 12 мексикански држави а властите тврдат дека најмалку 70 лица загинале во престрелките со полицијата.
- Најдобриот стрелец во историјата на Реал Мадрид и во историјата на репрезентативниот фудбал, Кристијано Роналдо купил 25% од акциите на шпанскиот второлигаш Алмерија.
- Португалецот кој игра за Ал Наср купил пакет акции преку неговата фирма CR7 Sports Investments. Роналдо на крајот од 2025-та стана првиот фудбалер-милијардер. Неговото богатство се проценува на 1,4 милијарда долари.
- Шпанскиот клуб АЛмерија е на трето место во втората лига Сегунда дивизион со одлични шанси до крајот на сезоната да обезебди пласман во елитната Ла Лига.
- Огромно задоволство од влегувањето на Роналдо во Алмерија изразил и првиот човек на клубот, Мохамед Ал Кереиџи, сопственик на садуиската СМЦ Група.
