Offside › Набрзинка

Во Битола ќе врие како во котел, Пелистер го чека Вардар во дербито

22 април 2025

Најголемото македонско ракометно дерби Пелистер - Вардар, во рамките од 5. коло во разигрувањето за титулата, ќе се сретнат на 24-ти април (четврток) од 18:30 часот.
Од таборот на македонскиот актуелен шампион Пелистер соопштија дека картите веќе се распродадени за час и салата ќе биде полна до последно место.
Пелистер и Вардар се главни фаворити за титулата сезонава па овој мегдан во „Боро Чурлевски“ би можел да даде расплет. Зелено-белите се први во моментов со 11 бода, Вардар е втор со 10 бода а РК Алкалоид има 6 бода.

извор

Македонец делегат на жешкото финале во Приштина

30 март 2026

Македонскиот делегат Филип Поповски ќе има задача во баражот за СП 2026 година, на еден од најжешките натпревари.
Косово ќе ѝ биде домаќин на Турција во Приштина, а Поповски ќе ја има улогата на делегат на финалниот меч на „Фадиљ Вокри“ на кој се очекува да крцаат трибините.
Главен судија ќе биде Мајкл Оливер од Англија. Мечот се игра на 31 март, со почеток од 20:45 часот.

извор

Кими Антонели победи на Ф1 трка во Јапонија и стана најмлад лидер во историјата

29 март 2026

Возачот на Мерцедес, Италијанецот Кими Антонели (19) е победник на трката за Големата награда на Јапонија, трета овосезонска трка од шампионатот Формула 1.
Младиот Италијанец роден во Болоња, на легендарната патека „Сузука“ ја прослави втората победа по ред откако славеше на претходната трка во Кина. Антонели победи со десетина секунди предност во однос на Оскар Пјастри од Мекларен, а на трето место заврши Шарл Леклер од Ферари.
Антонели сега стана најмлад лидер во историјата на Ф1, на возраст од само 19 години и 216 дена. Претходниот рекорд го држеше Луис Хамилтон од Ферари кој во 2007-ма како возач на Мекларен беше прв во генералниот пласман на само 22 години и 126 дена. Тогаш на крајот од сезоната Хамилтон заврши втор но од 2008-ма ја започна трофејната берба.
Трката во Јапонија ја одбележа тежок и страшен судар на возачот на Хас, Оливер Берман. Младиот Британец изгуби контрола над болидот и излета од патеката, прелета неколку метри и удри во заштитната ограда. За среќа возачот на Хас минал без посериозни повреди.

извор