Offside › Набрзинка

Видиќ како Пандев

14 октомври 2022

Чесни, прославени фудбалери, без ниту една дамка во професионалните кариери богати со трофеи, Немања Видиќ и Горан Пандев често зборуваат на иста тема: ги мачат состојбите во фудбалските сојузи на своите земји.
Немања Видиќ отворено зборува за аномалиите во српскиот фудбал. Сакал и да се кандидира за претседател на Фудбалската федерација на Србија ама и самиот вика дека „толку се замрсени работите што системот е така оформен за сам да се одржува“ или едноставно кажано: сами се бираат.
„Не знам ни кои се делегати“, вели Видиќ, човек за кого српската јавност смета дека треба да ја води фудбалската федерација како човек од интегритет и реноме во светот.

31 октомври 2025

Кратко траеше втората авантура на Филип Талески во Јане Сандански, кој потврди дека си заминува по само два месеци престој во новата сезона.
„Точно е дека заминувам од Вардар, на мое барање. Имавме состанок, раскинот е договорен, останува да го формализираме“, изјави Талески за Mkdhandball.
Талески играше за Вардар и во периодот 2020-2023, а потоа замина во Бенфика. Овој пат наводно не бил задоволен од минутажата.

30 октомври 2025

Игор Карачиќ остави неизбришлива трага во Вардар и македонскиот ракомет, како двократен европски првак и тој е еден од милениците на вардаровите навивачи.
Се врати во Јане Сандански, местото каде блескаше и беше дел од настанот во чест на роденденот на Спортско радио.
„Мило ми е што се вратив во Скопје, ако не прв, тој е мој втор дом. Прекрасно е тука, публиката памети што сè сме дале за Вардар. Мило ми е што вардарштината не изумре, на начин што навивачите го разбираат, го сакаат ракометот и имаат душа, паметејќи ги своите играчи, а тоа го има само во Скопје “, рече во изјава Карачиќ за Гол.мк