Offside › Набрзинка

Ваљекас, најнародниот кварт во Мадрид, симбол на работничката класа

13 јули 2023

Пред 70 години подрачјето Ваљекас било административно припоениосо Мадрид, но многу луѓе од овој кварт би ви рекле дека тие се свои и немаат ништо со Мадрид. Во овој кварт на средината од XX век се доселиле многу луѓе од цела Шпанија.
Ваљекас бил најсиромашна мадридска периферија која набрзо станала база на работничката класа која се прославила со голем отпор против режимот на Франциско Франко.
Гордот на населбата е прволигашот Рајо Ваљекано за кого неколку сезони веќе брани македонскиот голман Столе Димитриевски, клуб кој редовно е нагазна мина за Реал Мадрид, Барселона и другите великани. Ултрасите, познати под името Буканерос важат за радикални левичари.

29 ноември 2025

Екипата на Вардар 1961 ја продолжува серијата без пораз на домашната сцена. Црвено-црните во дербито на денот славеа над ГРК Охрид (28-26) и го забележаа четиринаесеттиот триумф на четиринаесеттиот меч сезонава.
Пред преполна сала „Билјанини извори“ каква што не се памети да била полна во последниве години, во Охрид вечерва РК Вардар 1961 го совлада амбициозниот домаќин 28:26.
Уште од стартот црвено-црните покажаа дека сезонава им нема рамен во домашното првенство и дека одличните игри и во Европа не се случајност.
Дмитро Хориха постигна осум гола и беше лидер со најмногу погодоци кај Вардар. Харуки Кавада постигна шест гола. Милош Валах запиша осум одбрани. Кај Охрид Стрмљан, Иванковиќ, Крсманчиќ и Ѓукиќ постигнаа по пет гола.
Вардар е прв на табела со 14 победи од 14 натпревари.

28 ноември 2025

Во морето квалификациски дуели за Светско првенство синоќа Турција ја совлада Босна и Херцеговина 93-71. Иако резултатот делува мошне убедлив, на терен БиХ се држеше до крајот на третиот период до кога резултатски парираше.
24-годишниот кошаркар на Фенербахче Тарик Биберовиќ кој е роден во Зеница и во Босна ги добива првите кошаркарски лекции, играше за БиХ на Европско првенство У-16. Во јуни 2018-та го сменил спортското државјанство и како кошаркар на Фенербахче решил да заигра за Турција.
Синоќа токму Биберовиќ „им збибери“ на своите 20 поени и неколку погодоци бурно ги прославуваше, после што во БиХ беше прогласен за голем предавник на своите. Во разни коментари на друштвените мрежи Босанците го навредуваа и му порачуваа дека едвај чекаат „да го пречекаат“ на реваншот во Сараево.