Offside › Набрзинка

УЕФА се погази себе по притисок од Велика Британија, нема место за руските млади фудбалери

10 октомври 2023

Европската фудбалска унија (УЕФА) на 26. септември донесе одлука да им дозволи на машките и женските селекции на Русија У-17 (играчи до 17 години) да настапуваат на турнири во нивна организација, но без знаме, без грб и без интонирање државна химна.
Само неколку часа подоцна голема врева и против одлуката се кренаа Велика Британија (англискиот ФА), Украина, Романија, Латвија, Литванија, Шведска, Исланд, Финска, Норвешка, Данска и уште некои други сојузи кои најавија дека ќе ги бојкотираат сите У-17 натпревари со Русите, после што УЕФА на денешниот состанок ја повлекла одлуката.
„Не најдовме соодветно техничко решение за да им дозволиме на руските селекции да играат“, рекле од УЕФА каде претходно соопштија дека младите машки и женски фудбалери од Русија не се виновни за воениот конфликт.
На денешниот состанок во Нион, УЕФА одлучила и дека Европско првенство 2028 ќе се игра во Велика Британија и Република Ирска, во Белфаст, Бирмингем, Кардиф, Даблин, Глазгов, Ливерпул, Лондон (два стадиони), Манчестер и Њукасл. А Евро 2032 ќе го организираат Турција и Италија кои понудиле 20 града за домаќинство а УЕФА во октомври 2026 ќе одбере 10 (по 5 од држава).

извор

Ненад Монев, прв Македонец со Харвард диплома за спортски менаџмент

30 март 2026

Генералниот секретар на ФК Работнички, Ненад Монев, стана првиот Македонец кој успешно ја заврши престижната Harvard & EFC Executive Leadership Programme (ELP), една од водечките програми за развој на лидери во светот на спортот, под покровителство на Насер Ал-Келаифи, претседателот на ПСЖ и ЕФЦ.
Ненад е првиот Македонец кој во областа на спортскиот менаџмент достигнува вакво ниво на образование и професионално усовршување на Харвард, една од најпрестижните универзитети во светот.
Ова достигнување е резултат на неговата посветеност, визија и континуирано вложување во развојот на професионализмот и лидерството во спортот.

извор

Згреши ли Седлоски со Трајковски и Миовски?

30 март 2026

Седлоски по натпреварот објасни зошто се одлучил за таков потег. Едноставна и многу фудбалска причина: Растодер и Ќамили играат стандардно во своите клубови, а додека Миовски и Трајковски не.
Ако ја погледнеме статистиката на секој од нив четворица, бројките говорат многу. Тука се причината за одлуката на Седлоски.
Веројатно Седлоски верувал дека на важен натпревар како баражот треба да играат најподготвените играчи. На крајот, тој е селектор и тој го има последниот збор, но и тој прв одговара за постигнатите резултати. Негово право е да истрча со играчите што смета дека се најподготвени и можат физички да одговорат на играта која ја негуваат данските фудбалери.

извор