Offside › Набрзинка

Тиквеш фатен со фантомски фудбалери и лажни легитимации

21 април 2026

Натпреварот од 23. коло во Супер младинската лига помеѓу екипите на Скопје и Тиквеш, кој се „одигра“ на 15 април, се претвори во вистински хаос и срам за македонскиот фудбал!
Дури четворица играчи настапиле под туѓи имиња, користејќи невалидни или туѓи легитимации, додека некои дури ни не знаеле кого претставуваат. Под притисок од официјалните лица, тие самите признале дека не се фудбалерите кои се наведени во записникот.
И скандалот не застанува тука. Уште двајца играчи воопшто немале спортски легитимации. И наместо да се соочи со последиците, гостинската екипа решила да го напушти натпреварот и да се повлече во соблекувалната, одбивајќи да продолжи со играта.

21 април 2026

Италијанското обвинителство во заедничка акција со карабинерите води голема акција за сузбивање на мрежа за организирана проституција.
На двајцата главни обвинети им биле одземени уреди во кои се гледале преписки. Меѓу клиентите имало петнаесетина познати фудбалери од италијанска Серија А како и еден познат Формула 1 возач, пишува италијанска Газета дело Спорт.
Целата мрежа на проституција била организирана уште во 2019-та а не сопрела ниту во период на карантин и затворањеа поради Ковид.
Средбите биле организирани во хотел во Милано, а често и на Миконос во Грција.

21 април 2026

После неколку дневни нагаѓања дали шпанскиот тенисер Карлос Алкараз ќе игра во Париз на Ролан Гарос поради повредата која ја задоби на турнирот во Барселона и поради која паузира.
„Имам уште многу долга кариера пред мене, да се исфорсира овој Ролан Гарос би можело да значи сериозно да си ги компромитирам можностите за идни турнири. Би сакал да се вратам можеби подоцна но во добра форма, отколку да се вратам поскоро но во лоша состојба“, рекол Алкараз на прес-конференција во Мадрид откако ја добил наградата за најдобар спортист на годинаа 2025.
Во Мадрид од денес (21-ви април) до 3-ти мај ќе се игра врвниот АТП Мастерс 1000 турнир на кој ќе настапи целиот тениски крем освен Новак Ѓоковиќ и Карлос Алкараз. Шпанецот веројатно ќе го пропушти и АТП Мастерсот во Рим.