- Иако од клубот официјално не соопштија дека е позитивен на коронавирус, Леброн Џејмс не играше во вторникот вечерта во победата на Лејкерс 117:92 против Сакраменто. Брон не настапи поради здравствени и безбедносни протоколи од НБА лигата, а неговиот соиграч Ентони Дејвис потврдил дека Леброн бил позитивен но асимптоматски.
- Интересен факт е дека Леброн Џејмс во првите 15 сезони во НБА пропуштил само 71 меч колку што пропуштил во последниве 4 сезони.
- The Athletic пишува дека лидерот на Лејкерс и еден од најдобрите играчи во историјата на НБА се вакцинираше во септември против вирусот, но дека сега ќе отсуствува најмалку десет дена или се додека не покаже два негативни теста во 24 часа.
- Леброн таман влезе во одлична форма и ја повлече својата екипа кон пар важни победи (Лејкерс имаат слаб учинок 12 победи и 11 порази), сега веројатно ќе ги пропушти дуелите на домашен терен со ЛА Клиперс и Бостон Селтикс и гостувањата кај Мемфис Гризлис, Оклахома Сити Тандер и Орландо Меџик.
- Сезонава Џејмс веќе пропушти 12 натпревари а екипата без него имаше учинок од 5 победи и 7 порази. Со него во тимот езерџиите забележаа 7 триумфи и 4 порази.
- Во опширно интервју за Атлетик, некогашниот тренер на Мајнц, Борусија Дортмунд и Ливерпул кој на црвените им донесе титула после цели 30 години чекање и трофеј во Лига на шампиони, вели дека не сака да чуе да се врати во фудбалот.
- На прашањето дали чека пред тв да почне фудбал за викенд, вели: „Ни. Под. Разно.“ „Не знам ни кога почнуваат натпреварите. Надвор бев скроз. Спортував, уживав во животот, поминав време со внуците, целосно нормални работи зошто знам дека ќе работам пак. Но исто така знам дека веќе не сакам да работам како тренер. Не ми фали ништо.
- Сега можам да одам на одмор кога јас ќе кажам, односно кога ќе каже Ула (се смее), а не кога Бундеслига или Премиер ќе каже. За 25 години два пати сум бил на свадба од кои еднаш на мојата а другата пред два месеци. Во 25 години четири пати отидов во кино и тоа сите четири пати во последниве осум недели. Бев во толку многу земји како тренер и не видов ништо од нив; само хотел, стадион и терен за тренинг. Ништо друго. Не ми недостига (фудбалот).
- Првиот човек на Баер Леверкузен побарал од фудбалските власти да внесат ограничувања на плати во фудбалот со цел да се намали огромната разлика, по примерот на НБА каде не можеш да трошиш колку што сакаш туку има таканаречен селари-кап кој те ограничува.
- Според Фернандо Каро, таква мерка ќе ја скрати доминацијата на англиската Премиер лига на пазарот.
- „Премиер лига стреми да стане водечка сила во Европа и дури и во Лига на шампиони. Видете, јас сум против такви тешки нагли правила, но за ова мора да се избориме. Ние меркавме еден играч. Летово се обидовме да потпишеме со него но нов англиски премиерлигаш понуди повеќе и предложи поголема плата од сите четири најсилни клубови во Германија. Премиер лига има многу повеќе пари и ресурси од која било друга лига. Тоа е катастрофа по нас. Многу е лошо“, рекол Фернандо Каро на конференцијата Фјучр оф Фајнанс на Блумберг во Франкфурт.
