- Италијанскиот антидопинг трибунал му изрече четиригодишна суспензија на Пол Погба поради допинг.
- Французинот падна на допинг тест на 20 август 2023 година по воведниот натпревар во Серија А помеѓу Јувентус и Удинезе, кој целосно го мина на клупата.
- Го суспендираа во септември 2023 година и оттогаш не тренира, а кога ќе му заврши суспензијата ќе има 34 години.
- Погба беше дел од репрезентацијата на Франција која го освои Мундијалот 2018-та, а откако направи кам бек во Јувентус од Манчестер Јунајтер во 2022-ра има одиграно само 12 натпревари.
- Тренерот во младинската школа на Ангели, Антонио Савески (33), е жртвата во тешката сообраќајна несреќа што ноќеска се случи на патот Охрид-Кичево.
- Савески потекнува од Охрид, каде што ги направи првите кошаркарски чекори, а подоцна започна и со тренерската работа. Има работено и со таленти во школата на Водно Партизан.
- Савески во јавноста беше познат како колекционер на спортска опрема и имаше собрано околу 500 кошаркарски дресови.
- Македонската фудбалска репрезентација ќе добие две нови интересни имиња во пресрет на новиот циклус од Лига на Нации. Новиот бисер на Црвена звезда Матеј Гаштаров кој веќе дебитираше и добива голема доверба кај тренерот Алберт Риера ќе биде ново име во средниот ред на репрезентацијата.
- Второ име е Турчинот со македонско потекло, Казимчан Караташ, лев бек кој е позајмен од Галатасарај во Истанбул Башакшехир. Интересно, Караташ играше за Галатасарај пред само неколку дена, во 1. коло од турската Суперлига. Во ремито 2-2 против новиот суперлигаш Чорум, левиот бек Караташ добил 6 минути откако влегол од клупата за резерви. Тој ќе добие повик од селекторот Седлоски а во моментов се работи на потребната документација за да може да ги добие сите дозволи и да биде ставен на располагање на репрезентацијата.
- Македонија во 1. коло од новото издание во Лига Нации ќе игра против Швајцарија на 26-ти септември во Скопје.
