- Луис Суарез доби дополнителна забрана од три натпревари поради тоа што плукна член на обезбедувањето на Сиетл Саундерс, во финалето од Лига Купот одигран на 31 август.
- Оваа казна му ја изрече МЛС, што значи ќе ги пропушти натпреварите против Шарлот, ДС Јунајтед и Сиетл во домашното првенство.
- Претходно, дисциплинската комисија на Лига Купот го казни Суарез шест натпревари, а казната ќе ја издржува на следното издание од Купот.
- Уругвајскиот напаѓач до сега бил три пати казнет и за гризење на противнички играч, како член на Ајакс, Уругвај и Ливерпул, а ФА еднаш го казни 8 меча поради расистички навреди на Патрис Евра.
- Делегација на магазинот Франс Фудбал кој што децениски ја доделува престижната награда „Златна топка“ за најдобар фудбалер на светот, решила да го посети Реал Мадрид со цел да го поправи односот со „кралскиот клуб“.
- За потсетување, минатогодишната церемонија „Златна топка“ заврши со скандал по врачување на наградата на Родри од Манчестер Сити. Кога дознале дека Винисиус нема да ја добие наградата, од Реал решија да ја повлечат својата делегација од патување во Париз и ги прекинале односите со организаторите на церемонијата.
- Како што пишува шпанска Marca, во последните месеци Франс Фудбал пробува на секаков начин да ги возобнови односите со Реал Мадрид. Француска делегација дошла во Мадрид со цел да ги спуштат копјата пред церемонијата закажана за 22 септември, но Реал Мадрид не ги примил.
- Наводно на „Сантијаго Бернабеу“ уште не им било јасно зошто бил изменет системот за броење гласови и критериумите кои ги применувале до тогаш.
- Педесет и едно годишниот португалски тренер Нуњо Еспирито Санто добил отказ од контроверзниот грчки газда на Нотингем Форест, Евангелос Маринакис.
- Овие двајца веќе подолго време имаа конфликтен однос. Тренерот еднаш и јавно ја критикуваше управата за лоша трансфер политика и ги заладил односите со директорот на тимот Еду Гашпар.
- Најверојатно нов тренер на Нотингем Форест ќе биде Анџе Постекоглу кој неодамна го водеше Тотенхем и му донесе пехар во Лига Европа.
