Offside › Набрзинка

Славко Винчиќ со мундијалско финале отиде во пензија

27 јули 2026

Словенечкиот судија ја доби неверојатната чест да биде главен судија во финалето на Светското првенство, а само седум дена подоцна се повелече од светот на фудбалот, потврди Фудбалскиот сојуз на Словенија.
Славко Винчиќ има само 46 години, а почнал да суди во 2010 година, кога бил вклучен во списокот на меѓународни судии. За време на Европското првенство 2012 година, работел како шести судија, а со словенечката екипа бил во четвртфиналето.
Аргентина - Шпанија не му е единствено финале. Го судеше и Ајнтрахт Франкфурт - Ренџерс во Лига Европа 2022, а две години подоцна Борусија - Реал во ЛШ.

Реакцијата на Словенецот кога слушна дека ќе го суди финалето

извор

Пирло тешко за селектор, има договор со руска кладилница

27 јули 2026

Италија се мачи да назначи селектор. Откако Пеп Гвардиола ги одби, Андреа Пирло постигна договор со новите раководни лица во Италијанската Федерација, Паоло Малдини и Леонарди.
Официјалното соопштение се очекува наскоро, но изборот предизвика политичка контроверзност поврзана со улогата на Пирло во руска компанија за обложување.
Пирло минатата година потпиша договор за спонзорство со руската компанија за обложување Фонбет, дејствувајќи како глобален амбасадор. Целта на договорот е да го промовира рускиот спорт и да учествува во настани во соработка со Министерството за спорт, за пропагандни цели.
Претседателот и сопственик на Јунајтед ФК од Дубаи, Сергеј Ломакин, има интереси во компанијата за обложување Фонбет, и затоа улогата на Пирло во овој поглед би била поврзана со договорот кој го има со неговиот клуб.
Изјави на оваа тема дадоа неколку италијански политичари, кои го замолија претседателот на ФИГЦ, Џовани Малаго, да не продолжува со назначувањето на Пирло, токму поради неговите врски со Русија.
Доколку назначувањето на Пирло не успее, главни кандидати за нов селектор на Италија се Антонио Конте и Роберто Манчини.

извор

Седум натпревари од СП 2026 означени како сомнителни

26 јули 2026

„Group of Copenhagen” е независна меѓународна мрежа која се занимава со откривање, санкционирање и спречување на манипулации поврзани со спортски натпревари.
Откако ги анализираше сите 104 натпревари од штотуку завршеното Светско првенство, објави дека седум натпревари, според нивните наоди, се сомнителни во однос на можни неправилности или местење.
Во нивното резиме на веб-страницата на Vijeća Europe се наведува дека 15 натпревари се ставени под зголемен надзор, од кои повеќето спаѓаат во последното коло од групната фаза. Седум беа обележани со „жолти предупредувања“, а вкупно беа обележани 12 контроверзни ситуации.
Инаку американската компанија Полимаркет, која се занимава, меѓу другото, со обложување преку криптовалути, добила облози во вредност од 4,8 милиони долари дека Шпанија нема да го победи Кабо Верде.

извор