- ФК Вардар на 16 април во Скопје на Градски ќе ја пречека Црвена Ѕвезда на хуманитарен натпревар. Парите ќе бидат донирани за семејствата во Кочани кои ги снајде ужасна трагедија.
- Од македонскиот прволигаш информираат дека билетите ќе се продаваат исклучиво преку платформа (исто како што ФФМ сега продава за Велс).
- Јужна и Северна по 200 денари, Исток и Запад 100. Влезот за децата од основните школи од Кочани кои би дошле организирано ќе биде бесплатен.
- По сјајните златни одличја на РК Вардар 1961 кој стана двократен европски шампион во Лига на шампиони и ЖРК Кометал Ѓорче Петров кој исто ја освои европската титула, РК Алкалоид денес стана првак во Европскиот Куп на ЕХФ.
- По одлука на Европската куќа на ракометот, епилогот од реванш мечот меѓу Алкалоид и АЕК е службена победа на скопскиот тим 20:0 што значи дека „фармацевтите“ се нови шампиони во Европскиот Куп.
- Кире Лазаров стана прв македонски тренер со освоен европски трофеј. Претходно Вардар 1961 го водеа Раул Гонзалес и Роберто Гарсија Парондо до евро-титулите а Кометал Ѓорче Петров освои со рускиот стратег Александар Панов.
Фото: Epa Images
- Раководството на Интер откако се раздели со Симоне Инзаги кој заминува за годишна плата од страшни 25 милиони евра во клубот Ал Хилал во Саудиска Арабија, сега е во потрага по негов наследник.
- Најголема желба им беше Сеск Фабрегас кој имаше одлична сезона со скромниот Комо. Но газдата на овој клуб кој важи за еден од најбогатите луѓе на светот не сакал да слушне за заминување на Шпанецот и директно им јавиле на Интер дека не го даваат.
- Во меѓувреме нераѕурите се вртат кон нивниот некогашен играч Кристијан Киву кој сезонава ја водеше Парма. Киву беше дел од шампионската генерација предводена од Жозе Мурињо која освои историска триплета.
