Offside › Набрзинка

Шведските хокеари без видни обележја ќе одат на гостувања

9 ноември 2023

Шведската хокеарска федерација одлучила, по терористичкиот напад во Брисел кога радикален терорист уби двајца а рани еден шведски државјанин, нивните репрезентативци на гостувањата да не носат опрема во боите, грбот и шведското знаме.
На 17-ти октомври пред фудбалскиот натпревар Белгија - Шведска, во Брисел терористи уби двајца шведски државјани а еден рани после што мечот беше прекинат на полувремето кога веста стигнала до стадионот.
„Нема да ги носиме официјалните репрезентативни униформи во и надвор од земјата и тоа важи за сите наши категории. Но може да ги користиме во автобуси и во хотелите“, рекол шефот за безбедност на Шведската хокеарска федерација Абе Торслеф.
Шведските државјани биле мета на терористот поради како што тој самиот рекол во видео снимено пред нападот, поради палењето на Куранот во оваа земја.

извор

Вардар го освои и Охрид за 14-та победа на 14 натпревари

29 ноември 2025

Екипата на Вардар 1961 ја продолжува серијата без пораз на домашната сцена. Црвено-црните во дербито на денот славеа над ГРК Охрид (28-26) и го забележаа четиринаесеттиот триумф на четиринаесеттиот меч сезонава.
Пред преполна сала „Билјанини извори“ каква што не се памети да била полна во последниве години, во Охрид вечерва РК Вардар 1961 го совлада амбициозниот домаќин 28:26.
Уште од стартот црвено-црните покажаа дека сезонава им нема рамен во домашното првенство и дека одличните игри и во Европа не се случајност.
Дмитро Хориха постигна осум гола и беше лидер со најмногу погодоци кај Вардар. Харуки Кавада постигна шест гола. Милош Валах запиша осум одбрани. Кај Охрид Стрмљан, Иванковиќ, Крсманчиќ и Ѓукиќ постигнаа по пет гола.
Вардар е прв на табела со 14 победи од 14 натпревари.

извор

Тарик Биберовиќ им „забибери“ чорба на своите, Босанците гневни

28 ноември 2025

Во морето квалификациски дуели за Светско првенство синоќа Турција ја совлада Босна и Херцеговина 93-71. Иако резултатот делува мошне убедлив, на терен БиХ се држеше до крајот на третиот период до кога резултатски парираше.
24-годишниот кошаркар на Фенербахче Тарик Биберовиќ кој е роден во Зеница и во Босна ги добива првите кошаркарски лекции, играше за БиХ на Европско првенство У-16. Во јуни 2018-та го сменил спортското државјанство и како кошаркар на Фенербахче решил да заигра за Турција.
Синоќа токму Биберовиќ „им збибери“ на своите 20 поени и неколку погодоци бурно ги прославуваше, после што во БиХ беше прогласен за голем предавник на своите. Во разни коментари на друштвените мрежи Босанците го навредуваа и му порачуваа дека едвај чекаат „да го пречекаат“ на реваншот во Сараево.