- За време на натпреварот Партизан - ФМП кој црно-белите едвај го добија после продолженија 109:103, тешка повреда доживеал плејмејкерот Карлик Џонс. Тој во четвртата четвртина се повредил и со помош на двајца членови на стручниот штаб излегол од паркетот.
- Доцна вечер и утрово од Белград стигнуваат вести дека лидерот на екипата на Партизан Карлик Џонс ја повредил метарзалната коска на петата поради што ќе отсуствува најмалку три месеци.
- Ова е тежок удар за црно-белите кои само што фаќаат залет во Евролига и во јадранската АБА лига.
- Се очекува клубот да реагира и во најбрз можен рок да донесе засилување на таа позиција.
- Возачот на Мерцедес, Италијанецот Кими Антонели (19) е победник на трката за Големата награда на Јапонија, трета овосезонска трка од шампионатот Формула 1.
- Младиот Италијанец роден во Болоња, на легендарната патека „Сузука“ ја прослави втората победа по ред откако славеше на претходната трка во Кина. Антонели победи со десетина секунди предност во однос на Оскар Пјастри од Мекларен, а на трето место заврши Шарл Леклер од Ферари.
- Антонели сега стана најмлад лидер во историјата на Ф1, на возраст од само 19 години и 216 дена. Претходниот рекорд го држеше Луис Хамилтон од Ферари кој во 2007-ма како возач на Мекларен беше прв во генералниот пласман на само 22 години и 126 дена. Тогаш на крајот од сезоната Хамилтон заврши втор но од 2008-ма ја започна трофејната берба.
- Трката во Јапонија ја одбележа тежок и страшен судар на возачот на Хас, Оливер Берман. Младиот Британец изгуби контрола над болидот и излета од патеката, прелета неколку метри и удри во заштитната ограда. За среќа возачот на Хас минал без посериозни повреди.
- Турските медиуми објавија голем скандал со претседател на македонски прволигаш, вмешан во криумчарење на злато.
- Лицето Б.Х. било уапсено од страна на полицијата на патот меѓу градовите Батман и Сиирт на 24 март.
- Полицијата во возилото на претседателот на екипата од Првата македонска фудбалска лига открила злато со тежина од два килограми и 581 грам, кое е проценето на 300.000 евра.
