Offside › Набрзинка

Се повлекоа Буфон и Гравина

3 април 2026

Легендарниот Џиџи Буфон, кој беше шеф на делегацијата и беше назначен на таа позиција во 2023 година, реши да се повлече од репрезентацијата после дебаклот во Зеница.
„Оставката една минута по завршувањето на натпреварот со Босна беше моја инстинктивна реакција. Длабоко во себе чувствував дека морам да го направам тоа. Спонтано како солзи и болка во срцето. Ми рекоа да размислам и да почекам. Сега кога претседателот Гравина се повлече, чувствувам дека и јас морам да дејствувам одговорно, иако мислам дека изградив многу за кратко време.“, рече Буфон
Пред него тоа го стори и претседателот на Италијанската фудбалска федерација, Габриеле Гравина под политички притисок, откако Италија трет пат по ред не успеа да се квалификува на Светско.
„На сите им е јасно дека италијанскиот фудбал треба да се реформира, а процесот мора да започне со нови раководители во Фудбалската федерација“, изјави министерот за спорт, Андреа Абоди.

извор

Неста: Син ми никогаш не ја гледал Италија на Светско, а има скоро 18 години

29 јули 2026

Легендарниот италијански репрезентативец, Алесандро Неста преку суров пример само ја потврди очајната ситуација во која се наоѓа националниот тим на неговата земја.
„Син ми кој има скоро 18 години, никогаш не ја гледал Италија на Светско. Кога ќе му кажам дека бевме светски прваци, тешко му е да поверува“, вели шампионот од Мундијалот 2006-та.
За Неста, таа фраза сумира сè. Историска репрезентација, четири ѕвезди на градите, а сега цела генерација ја знае Италија само надвор од Мундијалите.

извор

Гибралтар, Сан Марино и Македонија, тие сме

29 јули 2026

На рангирањето на УЕФА, Македонија е во група од седум земји кои моментално останаа само со еден претставник во Европа.
Македонскиот фудбал на клупски план моментно е во ранг со земји како Лихтенштајн, Малта, Гибралтар, Црна Гора, Велс и Сан Марино.
Вардар испадна од Рига, а Силекс од Динамо Минск во квалификациите за Конференциска лига. Само Шкендија уште е во игра на меѓународна сцена. В четврток во Скопје ќе играат реванш дуел против Браво од Словенија, кој има предност од 2:1 од првиот дуел.

извор