Offside › Набрзинка

„Сè пораширена е зависноста од таблети за спиење кај фудбалерите“

14 јули 2023

Откако некогашниот англиски репрезентативец Деле Али во разговор со Гери Невил ја шокираше јавноста со детали од раното детство, тема број 1 во островските медиуми сега е зависноста меѓу фудбалерите.
Деле Али раскажа дека како мал на 6 години мајка му го оставила, на 8 и 9 години користел разни супстанци и продавал дрога, а фудбалот му го спасил животот и го извел на прав пат. Некогашната ѕвезда на Тотенхем раскажа и дека последниве шест месеци по престојот во Бешикташ ги поминал на лекување и терапија против зависност од таблети за спиење.
„Зависноста од апчиња за спиење во фудбалот е многу поширока отколку што луѓето сметаат“, вели поранешен психотерапевт од Оксфорд Јунајтед, Гери Блум.

31 март 2026

Фудбалската репрезентација на Косово доби половина милион евра од владата поради пласманот во финале во баражот за СП 2026.
За финалниот натпревар се изборија на херојски начин со пресврт од 2:1 на 3:4 против Словачка на гости.
Во случај вечерва од 20:45 да ја совладаат Турција во Приштина и да испишат историја, добија ветување од премиерот Албин Курти за додатни 500.000 евра.

31 март 2026

Селекторот на Македонија, Гоце Седлоски пред мечот против Република Ирска, се осврна на играчите кои се налутија за немањето минутажа против Данска. Бојан Миовски затоа што не беше стартер, а Александар Трајковски бидејќи го преседе дуелот на клупата. И двајцата не се во состав за вечерва.
„Кој не сака да игра за Македонија тој не игра ни за селекторот, ни за играчите, игра за државата, не гледам причина некој да се лути зошто не бил стартер“.
„Во репрезентацијата на никој вратата не му е затворена. На овие два меча се одлучив за оние кои ги играа квалификациите. Разговарав со Стефан Ристовски и Аријан Адеми, вратата за никој не е затворена, но ќе видиме што ќе биде понатаму“.