- Селекторот на Англија, Герет Саутгејт беше гостин во училиште во Лидс, каде учениците му поставуваа прашања во врска со репрезентацијата.
- Саутгејт зборуваше дека има една цел, а тоа е да ја направи Англија европски првак, но се осврна и на квалификациите за кои рече дека треба да ги играат на највисоко ниво и во тој контекст ја спомна и Македонија.
- „Кога станува збор за Македонија, Англија играше против нив само четири пати и има две гостински победи со еден гол разлика и две нерешени на домашен терен. Значи Англија ја нема победено дома Македонија, а тие ја елиминираа Италија на последниот бараж за Светско. Така што мораме да се погрижиме нашиот менталитет да биде исправен и да играме на највисоко ниво“.
- Инаку тимот на Боби Милевски и гостува на Англија на 19 јуни, а на 16-ти ја пречекува Украина. На првиот квалификациски дуел за ЕП 2024 ја победивме Малта дома со 2:1.
- Миленикот на скопските Комити, Црногорецот Вуко Борозан пред неколку недели по втор пат го напушти Вардар 1961. Се очекуваше да најде ангажман во странство, се споменуваа и арапските земји или клуб од Западна Европа, но на крајот Борозан реши да остане таму каде што му е најубаво, во Македонија.
- Негов нов клуб ќе биде РК Охрид кој ги продолжува неверојатните ангажмани на трансфер пазарот со цел да ги исполни амбициите да се бори за шампионските трофеи во догледно време.
- Борозан беше дел од големите успеси на Вардар на домашна и меѓународна сцена и прашање е како навивачите ќе реагираат на овој чекор.
- Боксерот Ален Рустемовски и бодибилдерката Катерина Попева ги добија највисоките признанија на традиционалната манифестација „Спортист на годината 2025“, која се одржа во организација на Министерството за спорт и Сојузот на спортски федерации на Македонија.
- Рустемовски до признанието „Спортист на годината“ стигна по освојувањето на сребрен медал и вицешампионската титула на ЕП У23 во Ереван. Во изборот, тој беше подобар од номинираните Енис Барди, Стефан Михајловски, Андреас Трајковски и Владимир Егоров.
- Во женска конкуренција, титулата најдобра спортистка ѝ припадна на Попева, која лани стана шампионка на Светското првенство во фитнес и бодибилдинг во Санта Сусана (Шпанија). За признанието беа номинирани и Ангела Мојсовска, Александра Марковска, Катерина Ацевска и Сашка Колеска.
- Министерството за спорт традиционално ги додели и стипендиите „Спортска надеж“ на 500 талентирани млади спортисти, македонски репрезентативци. Свеченото доделување на стипендиите се одржа во МОБ, во склоп на манифестацијата „Спортист на годината 2025“.
