- Иако неколку недели му прогледуваа низ прсти за очајните резултати и тоа што ја изгубил соблекувалната, управата на Рома конечно после новиот пораз на екипата, овој пат дома од Болоња 2:3, му врачи отказ на Иван Јуриќ.
- Рома ја почна сезоната со Даниеле Де Роси кој доби отказ по слабиот старт и неколкуте очајни резултати на тимот. Набрзо после него го поставија Јуриќ за нов тренер а Рома претрпе дури 4 порази на последните 5 меча. Ова е најлош старт на сезона на „римската волчица“ во последните 20 години.
- Од Италија стигнуваат вести дека Роберто Манчини кој го напушти кормилото на Саудиска Арабија (од обештетување за предвремен раскин на договорот од Арапите ќе добие најмалку 20 милиони евра иако таму беше само неколку месеци), ќе стане нов тренер на Рома.
- Рома ја чека пеколен распоред: игра со Наполи на гости на 24-ти новемри па оди кај Тотенхем во Лига Европа па ја пречекува Аталанта во првенство.
- Македонија и Бугарија уште еднаш ќе си подадат рака за жртвите во големата трагедија во Кочани, во која загинаат 59 млади млади луѓе.
- Се спрема хуманитарен фудбалски натпревар меѓу легенди кои играле за македонската и бугарската репрезентација, кој веќе е закажан за 27 април во Варна.
- Организатор на настанот е Фондацијата „Национали 94“ во партнерство со општина Варна.
- За Бугарија ќе настапат голем дел од играчите кои го освоија историското четврто на место на Мундијалот во САД 1994, меѓу кои Христо Стоичков, Борислав Михајлов, Емил Кременлиев, Златко Јанков, Емил Костадинов, Јордан Лечков...
- Македонија уште го крои составот, а за сега се најавени Горан Пандев како главна ѕвезда во тимот и Ѓоко Хаџиевски во улога на селектор.
- Педесет и едно годишниот шпански спортски новинар Алексис Мартин-Тамајо кој во кариерата работеше за Диаро АС, радио Онда Серо и шпанското издание на ЕСПН, сега стои зад светски познатиот профил на Х, МистерЧип.
- Тој често објавува неверојатни статистички податоци и занимливости, а сега последно објави дека Реал Мадрид во последните 4 сезони одиграл дури 12 продолженија во разни натпреварувања (пред се во Лига на шампиони и шпански Куп) и победил на дури 11 од нив!
- Реал играл 4 продолженија во сезоната 2021/2022, 2 продолженија во сезоната 2022/2023, 3 продолженија во 2023/2024 и до моментов 3 продолженија во 2024/2025.
- „Кралскиот клуб“ покажа дека има страшна екипна ментална снага и дека може да победи секого и секаде во пресудни моменти од продолженија или на пенали.
