- Научниците од Техничкиот универзитет во Грац дошле до сознание дека дополнителни стоп-светла на предниот дел од возилото би влијаеле врз безбедноста во сообраќајот и би можеле да спречат до 17 проценти од судирите на раскрсниците.
- Додека конвенционалните стоп-светла ги предупредуваат само возилата зад вас, предните стоп-светла би сигнализирале и до другите возила што се случува кај вас.
- Предлагаат овие предни стоп-светла да светат зелено наместо црвено а би можеле лесно да се интегрираат во дизајнот на возилото.
- Клучот е во кратење на времето на реакција, што е решавачка разлика меѓу судар и правовремено кочење.
- Американскиот претседател Доналд Трамп ја укина заштитата на Тајната служба за поранешната потпретседателка и демократска ривалка на изборите за 2024 година, Камала Харис.
- Губењето на тајната безбедносна заштита на Харис значи дека таа ќе остане без агентите кои се назначени да ја штитат неа и нејзиниот имот во Лос Анџелес, како и без проактивното разузнавање за закани спроведено за идентификување и спречување на какви било потенцијални закани.
- Камала останува без обезбедување во пресрет на нејзината најавена турнеја низ повеќе градови, за промоција на нејзините нови мемоари „107 дена“ кои ги покриваат настаните од нејзината кратка претседателска кампања.
- Хрватска и Босна се меѓу 25-те земји кои престанаа со испраќање стока во САД поради неизвесност откако администрацијата на Трамп го укина третманот „de minimis“.
- Тој третман дозволуваше пратки во вредност до 800 долари да се испраќаат со минимална документација.
- Меѓу земјите се Австралија, Норвешка, Швајцарија, како и германски ДХЛ кој објави привремено суспендирање на повеќето испораки до Америка.
- Слободни ќе бидат само пратки што содржат писмени комуникации и „подароци“ испратени од приватни лица до приватни лица, до вкупна вредност од 100 долари.
