Offside › Набрзинка

РК Вардар 1961 без двајцата најдобри ракометари против Монпеље

28 април 2026

Вардарци вечерва гостуваат кај стариот добар познаник - француски Монпеље. Вардар 1961 стана европски шампион во 2017 и 2019-та година а Монпеље во 2003-та и 2018-та така што ќе биде ова дуел на некогашни европски прваци кои се среќаваа неколку пати низ годините.
Црвено-црните ќе играат без нивните најдобри играчи, лидерите Јака Малус и Дмитро Хориха поради повреда односно вирус.
Вардар сезонава во ЕХФ Европската лига има само 2 порази на 10 натпревари, по еден во двете фази. Монпеље стигна до четвртфинале на убедлив начин откако го совлада норвешки Елверум.
Монпеље сезонава имаше порази во Европа само од двата германски великани Кил и Флензбург.
Натпреварот меѓу Монпелје и Вардар започнува од 20:45 часот.

28 април 2026

Баерн Минхен бележи неверојатен пораст од 400% во онлајн нарачките на дресови од Колумбија, откако Луис Дијаз лани стана нивен играч.
Колумбија во моментов е најбрзорастечкиот пазар на Баерн и клубот го користи овој огромен маркетиншки потенцијал со крилниот напаѓач, кој е инаку во топ 5 играчи на Баерн во светот во однос на продажбата на дресови оваа сезона.
Дијаз е претставен како амбасадор на брендот на каналите на клубот на шпански јазик. Бројот на посетители на онлајн продавницата на германскиот гигант во јужноамериканската земја се зголемил за 200%.

28 април 2026

Британската полиција соопшти дека судија со значка на УЕФА кој судел европски натпревар на островот пред неколку дена сексуално нападнал тинејџер.
Полицијата соопштува дека манијакот има 30-ина години, а обвинет е дека насилно го допирал и присилувал младиот тинејџер да оди во неговата хотелска соба.
Момчето пријавило напад, а полицијата чекала после натпреварот судијата да се врати во хотелот за да го уапси.
Тој требал да суди и на овогодишното Светско првенство во САД, Мексико и Канада. УЕФА додека трае истрагата го суспендирала судијат на неопределено време и тој нема да суди во догледно време УЕФА натпревари.
Го чека евентуална затворска казна во Британија ако се докаже вина.