- Најтрофејниот македонски клуб по сè изгледа ќе излезе од тунелот во кој влезе пред неколку години. Заглибен во долгови, клубот од Градски парк веќе неколку години игра просечно и со една цел, да остане прволигаш.
- Ситуацијата сега драстично би можела да се смени, затоа што постои најава за влез на српскиот телекомуникациски гигант Мтел кој би требал да го крене клубот на највисоко ниво. Оваа вест со воодушевување ја примија навивачите на славниот Работнички.
- Полицијата во Канзас Сити каде што е базата на англиската репрезентација, потврдила дека две лица се уапсени откако од специјалното возило ја украле целата опрема на Англичаните. Украдени биле топки и целокупна опрема за тренинг.
- Локалната полиција го истражува целиот случај кој се случил додека репрезентацијата се спремала за транзит од Флорида во Мисури, пишува Индепендент.
- „Две лица се притворени додека трае понатамошната истрага“, вели полицијата во Канзас Сити.
- Возилата кои ја пренесуваат опремата биле скршени, во нив се провалило и била украдена целокупна опрема.
- Англија во среда ќе го отвори својот настап на Светското против Хрватска во Далас. Во Мисури престојуваат неколку репрезентации меѓу кои Аргентина, Холандија и Алжир.
- Најголемиот македонски фудбалер според многумина, Горан Пандев ќе биде дел од големиот хуманитарен спектакл кој ќе се одржи на стадионот „Сантијаго Бернабеу“ во Мадрид. Ќе играат едни против други ветераните на Интер против ветераните на Реал Мадрид на традиционалниот натпревар „Корасон Класик“.
- За Интер кој во 2010-та година токму со Пандев во составот ја освои Лигата на шампиони на овој стадион, ќе играат уште и Хавиер Занети, Естебан Камбијасо, Маикон, Лусио, Џампаоло Пацини, Родриго Паласио, Давид Суазо, Антонио Кандрева и многу други асови на „нераѕурите“.
- Од клупата тренер на Интер ќе биде Џузепе Бергоми а со него ќе биде и Франческо Толдо.
