Offside › Набрзинка

Првиот шведски кошаркар во НБА потпиша со руски клуб па го бркаат од репрезентација

31 март 2022

Јонас Жеребко (35) во кариерата играше за литванските клубови Бораш и Плања и во Италија за Бијели. Од 2009 дојде во НБА и стана прв шведски репрезентативец кој заиграл во најдобрата светска лига.
Го носеше дресот на Детроит Пистонс, Бостон Селтикс, Јута Џез и Голден Стејт Вориорс. Во Европа играше уште и за Химки, а сега потпиша со ЦСКА Москва, клуб кој заедно со Локомотив, Зенит и Химки беше протеран од Евролига.
„Неговиот избор да игра во Русија (со потписот за руски ЦСКА Москва) е во спротивност со вредностите на шведската кошарка и нашиот јасен став во врска со Русија. Принудени сме да констатираме дека нема услови Јонас Јеребко веќе да биде репрезентативец на Шведска“, соопштије од сојузот.

извор

Вуко Борозан пак ќе игра во Македонија, но не за Вардар 1961

30 јануари 2026

Миленикот на скопските Комити, Црногорецот Вуко Борозан пред неколку недели по втор пат го напушти Вардар 1961. Се очекуваше да најде ангажман во странство, се споменуваа и арапските земји или клуб од Западна Европа, но на крајот Борозан реши да остане таму каде што му е најубаво, во Македонија.
Негов нов клуб ќе биде РК Охрид кој ги продолжува неверојатните ангажмани на трансфер пазарот со цел да ги исполни амбициите да се бори за шампионските трофеи во догледно време.
Борозан беше дел од големите успеси на Вардар на домашна и меѓународна сцена и прашање е како навивачите ќе реагираат на овој чекор.

извор

Ален Рустемовски и Катерина Попева избрани за спортисти на годината

30 јануари 2026

Боксерот Ален Рустемовски и бодибилдерката Катерина Попева ги добија највисоките признанија на традиционалната манифестација „Спортист на годината 2025“, која се одржа во организација на Министерството за спорт и Сојузот на спортски федерации на Македонија.
Рустемовски до признанието „Спортист на годината“ стигна по освојувањето на сребрен медал и вицешампионската титула на ЕП У23 во Ереван. Во изборот, тој беше подобар од номинираните Енис Барди, Стефан Михајловски, Андреас Трајковски и Владимир Егоров.
Во женска конкуренција, титулата најдобра спортистка ѝ припадна на Попева, која лани стана шампионка на Светското првенство во фитнес и бодибилдинг во Санта Сусана (Шпанија). За признанието беа номинирани и Ангела Мојсовска, Александра Марковска, Катерина Ацевска и Сашка Колеска.
Министерството за спорт традиционално ги додели и стипендиите „Спортска надеж“ на 500 талентирани млади спортисти, македонски репрезентативци. Свеченото доделување на стипендиите се одржа во МОБ, во склоп на манифестацијата „Спортист на годината 2025“.

извор