- Вкупно 102 хрватски државјани, навивачи на Динамо Загреб се раштркани по 14 разни затвори во Грција. Адвокат на 90 од нив е Гркот Атанасиос Каименакис, и самиот некогаш припадник на навивачката група Гејт13 која е во пријателски односи со Бед Блу Бојс.
- Тој вели дека за 60 лица од 90 колку што тој ги застапува не постојат никакви материјални докази ниту видео снимки ниту ДНК траги врз основа на кои се задржани во истражен затвор.
- Денес на суд излегуваат 44 припадници на Бед Блу Бојс кои се теретат за злосторничко здружување, недозволено и незаконско носење и користење оружје и нив на терет им се ставаат дури 11 казнени дела. Тие негираат вина за убиството на младиот навивач на АЕК во нередите кои хрватските навивачи ги предизвикаа во квартот Неа Филаделфија во Атина пред мечот од квалификации за Лига на шампиони.
- Познатиот НБА зналец Ентони Ирвин смислил теорија според која не би било невозможно Никола Јокиќ да му се приклучи на неговиот добар пријател Лука Дончиќ.
- Со оглед на тоа што Денвер Нагетс не покажува ни малку амбиции во последниве години, се откажува од носителите на играта а не носи сериозни засилувања, идејата на Јокиќ до крајот на кариерата да остане во Колорадо би можела да се смени.
- „Врската со Лејкерс е многу јасна. Тоа е Дончиќ кој е голем другар со Никола. Исто така можноста на нивен заеднички пик-ен-рол би била навистина уникатна. Двајцата можеби гледаат кон 2028-ма кога би можеле да донесат серија одлуки која би довела до тоа да заиграат заедно“, вели Ирвин.
- Србинот има договор со Денвер Нагетс вреден 276.000.000 долари потпишан во 2022 што значи дека ќе има играчка опција пред сезоната 2027/2028 односно да бира дали ќе остане, ќе потпише побогат договор или ќе замине како слободен агент.
- „Ако Лејкерс ослободат простор во селари-капот и сфатат дека можат да тргнат по Јокиќ, може да им речат на Нагетс, еј слушајте или заедно ќе работиме на трејд кој ќе биде добар и за вас или ќе почекате да стане слоободен играч и да ризикувате да замине без надомест. Слабеење на играчкиот кадар на Денвер Нагетс е добра вест за ЛА Лејкерс“, вели Ирвин.
- Дисциплинската комисија на ФФМ ги објави одлуките по натпреварите од Првата и Втората македонска фудбалска лига.
- Пазете го ова: Струга заврши на дисциплинска постапка зашто не обезбедила паркинг простор за гостинскиот автобус пред мечот со Вардар, а исто така имала и несоодветно обележување на теренот.
- Дисциплинска постапка ќе се води и против Тиквеш затоа што имале слаба организација, било фрлено шише со вода на терен и се скандирало на национална основа.
