- Покрај православниот христијански пост кој веќе трае, во среда (22 март) започнува и рамаданскиот пост кој ќе трае до 21-ви април, па од оваа причина официјалните лица во Премиер лига и англиската ФА размислуваат да им овозможат на играчите од муслиманска вероисповед, за време на вечерните натпревари да можат да прават пауза во текот на мечот со цел да внесат храна и други додатоци.
- Официјалните лица добиле упатства од судиските тела како да прават пауза во текот на играта и да им овозможат на фудбалерите од муслиманска вероисповед да внесат енергетски гелови или други течности и суплементи покрај храната, со цел да можат да играат после целодневниот пост. Рамаданскиот пост предвидува внесување на храна по заоѓање на сонцето.
- Од познатите играчи во Премиер лига кои ќе постат се: Мохамед Салах, Калиду Кулибали, Канте, Весли Фофана и други.
- Најдобриот светски тенисер на сите времиња според многумина, Новак Ѓоковиќ во објава на Инстаграм му честиташе победа против Велс на неговиот добар пријател Един Џеко со натпис: „Браво Едине, браво БиХ!“, а сега допатувал во Босна и Херцеговина за да го следи дуелот БиХ - Италија.
- Овие две селекции вечерва од 20:45 ќе играат на стадионот „Билино Поље“ во Зеница за пласман на Светско првенство 2026.
- Ѓоковиќ го искористил патот во БиХ и по седми пат да отиде кај фамозните „Босански пирамиди“ каде домаќин повторно му беше Семир Османагиќ.
- Легендарниот голман и капитен на репрезентацијата на Бугарија и долгогодишен претседател на Бугарскиот фудбалски сојуз, Борислав Михаилов починал утрово во Софија. Тој почина на 63 години после долго боледување.
- Михаилов од минатата година беше во вештачка кома и не успеа да преживее и покрај големите напори од лекарите и најблиското семејство, пишува бугарски ДСпорт.бг.
- Борислав имаше 102 натпревари за репрезентацијата и важи за најдобриот голман во историјата на Бугарија. Неговиот син Николај Михаилов исто така беше голман и капитен на бугарската репрезентација а токму тој ја соопштил тажната вест за татко му.
- Михаилов бранеше за Бугарија на Мундијалот 1986 во Мексико каде запиша 4 настапи и на кулното Светско првенство 1994 во САД каде Бугарите направија чудо, стигнаа до полуфинале а Борислав претходно во четвртфиналето против Мексико ги спаси со две бравурозни одбрани. Бранеше и за Левски, Белененшеш, Мулуз, Ботев, Рединг, Славија и Цирих.
- Од 2000-та беше член на Извршниот одбор на Бугарскиот фудбалски сојуз а од 2005-та го избраа за претседател, функција која ја вршеше цели 18 години пред да ја напушти функцијаа поради болест.
