Offside › Набрзинка

Познати се противниците на РК Вардар 1961 во Европската лига

10 септември 2025

По крајот на квалификациите, познати се осумте групи за реномираната Европска лига во ракомет. Вардар ќе биде единствен претставник од Македонија во групите како резултат на второто место освоено во македонската Суперлига. Алкалоид не успеа против силниот германски бундеслигаш Хановер во бараж-двомечот.
Во Европската лига ќе играат силни колективи како германските гиганти Кил, Флензбург, Мелсунген и Хановер и трите француски екипи Тулуз, Монпеље и Сант Рафаел.
Варадр се најде во група Ф со шведски Кристијанштад, Тулуз и хрватски Сесвете кој ќе гостува прв во Скопје на 14-ти октомври. Од регионот покрај Вардар ќе играат уште и Партизан, Слован Љубљана, Нексе Нашице и Сесвете од Хрватска.

28 ноември 2025

Во морето квалификациски дуели за Светско првенство синоќа Турција ја совлада Босна и Херцеговина 93-71. Иако резултатот делува мошне убедлив, на терен БиХ се држеше до крајот на третиот период до кога резултатски парираше.
24-годишниот кошаркар на Фенербахче Тарик Биберовиќ кој е роден во Зеница и во Босна ги добива првите кошаркарски лекции, играше за БиХ на Европско првенство У-16. Во јуни 2018-та го сменил спортското државјанство и како кошаркар на Фенербахче решил да заигра за Турција.
Синоќа токму Биберовиќ „им збибери“ на своите 20 поени и неколку погодоци бурно ги прославуваше, после што во БиХ беше прогласен за голем предавник на своите. Во разни коментари на друштвените мрежи Босанците го навредуваа и му порачуваа дека едвај чекаат „да го пречекаат“ на реваншот во Сараево.

View this post on Instagram

A post shared by FIBA Basketball World Cup (@fibawc)

27 ноември 2025

По бурните реакции на навивачите кои не можеа да се помират со оставката на најтрофејниот европски кошаркарски тренер Обрадовиќ, извршниот и управниот одбор на Партизан решил да му пружи апсолутна поддршка на својот тренер да ја продолжи мисијата и му ја одбила оставката.
На предлог на претседателот на клубот Остоја Мијаиловиќ, едногласно е одбиена оставката на Обрадовиќ и клубот соопшти дека тој ужива нивна целосна доверба.