- Италијанскиот тренер Андреа Тринкиери кој одлично зборува српски јазик и пред некоја година го водеше КК Партизан, сега е на чекор од враќање во црно-белиот табор.
- Тринкиери доаѓа на местото на Жељко Обрадовиќ кој емотивно го напушти клубот по серија катастрофални резултати и лоши односи со играчите. Навивачите на Партизан во неколку наврати масовно се собраа на аеродром и пред Арената со цел да го вратат нивниот миленик Обрадовиќ на клупата но неуспешно.
- Првиот човек на Партизан Остоја Мијаиловиќ во гостување на Еуроњуз откри дека Жељко Обрадовиќ му кажал како ја изгубил „соблекувалната“ односно дека неколку странски играчи ни под разно не ги почитувале неговите барања а некои од нив дури и ги пцуеле луѓето од стручниот штаб.
- Партизан доживеа дебакл од Панатинаикос во Атина (91:69) а на тој натпревар црно-белите претрпеа историски рекордно негативна серија 25-0 при која Обрадовиќ немо седеше на клупа и не реагираше јасно дека некои играчи го саботираат. „Не сакам трагично да завршам крај клупата на Партизан, здравјето ми е нарушено“, наводно му рекол Обрадовиќ на Мијаиловиќ.
- Во првиот мандат на клупата на Партизан, Тринкиери освои два Купа на Србија и АБА Суперкуп. Ги водеше уште и евролигашите Жалгирис и Баерн Минхен, како и Бросе Бамберг, УНИКС Казањ, Канту и Веролија.
- Вечерва од 21 часот ќе се одиграат сите 18 натпревари од последното коло на Лига на шампиони. Во вторникот вечерта немаше фудбал, сите натпревари се закажани за вечерва. Дури 32 екипи од вкучно 36 имаат шанса за пласман во следна рунда.
- Арсенал и Баерн Минхен се сигурни патници директно во осминафинале, а за разигрување шанси имаат голем број екипи. Од 6-то до 13-то место има група клубови со по 13 бода и сите ќе бркаат директен пласман во 1/8 финале и ќе се потрудат да избегнат доигрување.
- На крајот тимовите пласирани од 9-то до 24-то место ќе играат во доигрување за пласман во осминафинале. 9-от и 10-от ќе играат против екипите кои се на 23-то и 24-то место, 11-от и 12-от ќе играат против 21 и 22 на табела и така натаму.
- Дербито на вечерта се игра во Париз каде ПСЖ ќе го пречека Њукасл во директен дуел за место кое води право во 1/8 финале.
- Ракометарите на ЕП се соочуваат со турбо распоред, кој предвидува два натпревари за помалку од еден ден. Причината е усогласување на крајот на двете групи во Малме и Хернинг, пред полуфиналиња во петок и финалниот дел во недела.
- Се погласни се реакции дека ваквиот систем е опасен по здравјето на играчите. Поранешниот играч на Металург и Вардар, Лука Циндриќ реагираше после победата над Словенија.
- Се ме боли. Играме за помалку од 24 часа. Оној што го смислил овој распоред, сигурно никогаш не се занимавал со спорт. Се жртвуваме цели подготовки, а потоа по шестиот или седмиот меч играме меч од кој ни зависи полуфиналето. И после тоа нов натпревар за помалку од 24 часа. Тешко е и премногу интензивно. Не можеш да се регенирираш ни за два дена, а камоли за еден. Ова не е здраво за никого.
